Rokstu sagataveja: portals lakuga.lv

Pyupolu svātdīnē, 5. aprelī, 16.00 stuņdēs iz koncertu Leivuona nūvoda Sutru kulturys nomā aicynoj grupa “Bez PVN”. Koncertā izskanēs grupys jaunuokuo albuma dzīsmis, kai ari senejuos i klauseituoju īmīļuotuos kompozicejis, sūlej pasuokuma organizatori.

Grupys “Bez PVN” autordzīšmu repertuars tiks veiduots i izpiļdeits tikai tuos dalinīku dzymtajā – latgalīšu – volūdā.

Grupā muzicej Kristaps Rasims (bolss, elektriskuo gitara, bandžo i cyti instrumenti), Guntis Rasims (bolss, akustiskuo gitara, akordeons i cyti instrumenti), Jurs Vucāns (bolss, elektriskuo gitara, samplers i cyti instrumenti) i Valdis Vucāns (basgitara, bolss), kai ari buņdzinīks Normans Bārbals.

Pastuoviešonys laikā grupa “Bez PVN” ir izdavuse divejus studejis albumus “Pyrms Vuorda…” (2006) i “Reits” (2013), kai ari radejuse vairuokus videoklipus. Grupys pazeistamuokuos kompozicejis ir “Screen”, “Eņgeli sviļpoj”, “Golds iz ustobys”, “Besi”, “Loopi”, “Zuoleite”, “Digitaluo gūteņa”, “Izzeimuots nu rosys” i c.
Biletis var nūpierkt “Biļešu paradizis” kasēs ci iz vītys Sutru kulturys nomā.

2019. gods oktobrī ar koncertu “Rūbeži” koncertzalā GORS grupa “Bez PVN” prīcynuoja sovus fanus.

Skaiti rokstu “10 interesanti fakti par grupu “Bez PVN””