Aprelī tradicionali nūtiks latgalīšu olimpiade i “Vuolyudzāni”

Aprelī tradicionali nūtiks latgalīšu olimpiade i “Vuolyudzāni”

Rokstu sagataveja: portals lakuga.lv

Jamūt vārā epidemiologiskū situaceju, 24. aprelī tīšsaistē nūtiks 20. atkluotuo latgalīšu rokstu volūdys i kulturviesturis olimpiade i nu 17. leidz 24. apreļam naklotīnē žureja izvērtēs 21. skotuvis runys konkursam “Vuolyudzāni” atsyuteitūs daildorbu videoīrokstus, portalu lakuga.lv informej organizatoru puorstuove, Latgalīšu volūdys, literaturys i kulturviesturis školuotuoju asociacejis (LVLKŠA) vadeituoja Veronika Dundure.

Atkluotuo latgalīšu rokstu volūdys i kulturviesturis olimpiade i skotuvis runys konkurss “Vuolyudzāni” teik organizāti ar mierki školu jaunuotnis vydā popularizēt latgalīšu kulturys montuojumu i rūsynuot par jū interesi, nūstyprynuot izpratni par latgalīšu rokstu volūdu kai svareigu latvyskuos identitatis daļu i kulturys vierteibu.

Olimpiadē var pīsadaleit vyspuorizgleitojūšūs školu 10.–12. klašu komandys 3–5 školānu sastuovā, pīteikumi olimpiadei juoatsyuta leidz 16. apreļam LVLKŠA iz e-postu ltgasoc@gmail.com. Aizdavumus i viertiešonys kriterejus izstruodoj Rēzeknis Tehnologeju akademeja, Latgalīšu kulturys ziņu portals lakuga.lv, Latvejis Universitatis Baltu volūdnīceibys katedra. Itūgod olimpiadē byus juoteik golā ar treju kuortu aizdavumim, kurymūs juoparuoda latgalīšu rokstu volūdys prasmis; juosaorentej 2020. goda latgaliskajūs pasuokumūs, nūtykumūs, jubilejuos; juopuorzyna Vīstura Kairiša filma „Piļsāta pi upis”.

Konkursam školuotuoji īsyuta sovu audziekņu īrunuotūs daildorbu videoīrokstus ar vajadzeigū informaceju leidz 17. apreļam iz e-postu ltgasoc@gmail.com. “Vuolyudzānūs” pīsadola pyrmsškolys vacuma bārni, 1.–12. klašu školāni, studenti, sagatavejūt div daildorbu – dzejis i prozys voi prozys i dzejis – fragmentus latgaliski. Vairuok informacejis nūlykumūs.

Print Friendly, PDF & Email

Nūtikšonu kalendars

Apr
14
Tre
12:00 Gundegys Rancānis gleznu izstuod... @ Latgolys Kulturviesturis muzejs
Gundegys Rancānis gleznu izstuod... @ Latgolys Kulturviesturis muzejs
Apr 14 @ 12:00 – May 8 @ 18:00
Gundegys Rancānis gleznu izstuode "Klātesot" @ Latgolys Kulturviesturis muzejs
Nu 14. apreļa da 8. maja Latgolys Kulturviesturis muzeja lūgu vitrinuos ir īspieja apsavērt muokslineicys Gundegys Rancānis gleznu izstuodi “Klātesot”. Karteņa: rezekne.lv