2021. goda 27. aprelī jau trešū godu teik svieteita Latgolys kongresa dīna. Vysi školuotuoji kūpā ar školānim aicynuoti pīsadaleit virtualajuos Latgolys nūvodvuiceibys i latgalīšu volūdys stuņdēs, kas ir sagataveitys, īvārojūt nūteiktu bārnu vacumu, bet tamuos var pīsadaleit kotrys, kam ir taida gribiešona.

1.–3. klasis i 4.–6. klasis (9.00–9.40) aicynoj sasatikt ar etnomuzykologu, radio žurnalistu, pedagogu i postfolklorys grupys „Rikši” vadeituoju Ēriku Zepu, kurs stuņdē stuosta par sovu darbeibu i latgaliskajom idejom.

2021. goda „Latgolys kongresa dīnys” svineibys organizej: „Latgolys symtgadis kongresa SaRIK” (Sareikuojuma reiceibys izpiļdis komiteja), „Latgalīšu kulturys bīdreiba”, „Latgalīšu volūdys, literaturys i kulturviesturis školuotuoju asociaceja”, Maltys Bārnu i jaunīšu centrs. Atbolsta: Rēzeknis Tehnologeju akademeja (rta.lv), latgalīšu kulturys gazeta (lakuga.lv) i „Vītejuo Latgolys Avīze” (vieteja.lv).