Arvīda Eglis dorbu izstuode Rēzeknē – profesionaļu nūvārtāta Latgolys muzeju pīduovuojumā

Arvīda Eglis dorbu izstuode Rēzeknē – profesionaļu nūvārtāta Latgolys muzeju pīduovuojumā

Rokstu sagataveja: portals lakuga.lv

Jau divpadsmytū reizi, ituogods 28. julī, Ciesu Viesturis i muokslys muzejā tyka padūta Latvejis Muzeju bīdreibys (LMB) Goda bolva 2021. Storp 12 nominantim kai vīneigais Latgolys puorstuovs tics Latgolys Kulturviesturis muzejs (LKM) ar izstuodi “Arvīds Egle. Klusais pieskāriens”, viesteits LMB sātyslopā.

Saskaņā ar 2020. godā maineitū LMB Goda bolvys 2021 konkursa nūlykumu, kotrā pusgodā teik izvierzeiti pa seši projekti, kuri piec tam kūpā ceinuos par vīnu golvonū goda bolvu. Ituogods uzvarātuojs ir Jākubpiļs Viesturis muzejs ar Jākubpiļs piļsātys viesturis ekspoziceju. Žurejis bolvu “Pamanīts” dabuoja Jiurmolys piļsātys muzejs par socialuo teikla “Facebook” vītni i “Covid-19 atzinību” – Latvejis Nacionalais dobys muzejs par kvalitativu i ilgtspiejeigu attuolynuotū pīduovuojumu. 12 nominanti nu vysys Latvejis tyka atlaseiti vairāk kai nu 50 dasacejumu. Sevkurs nu bolvys pretendentu i nominantu tyka vārtāts caur pīcu kritereju prizmu: originalitate, aktualitate, vīnuoteiba i kvalitate, ilgtspieja i lītuojameiba,  kai ari socialuo jūma.

Žurejis komentars par LKM izstuodi “Arvīds Egle. Klusais pieskāriens”: “Muokslinīks, kura dailrade ir byutiska Latgolys regiona i vysys Latvejis muokslys kontekstā. Projekta realizacejā jaušama pošaizlīdzeiba, muzeja restauratora entuziasms restaurēt muokslinīka glaznys uorpus daīmamūs finanšu leidzekļu. Pīvīnuotuo vierteiba ir pasuokumu komplekss: izstuode, restaurātys glaznys, kvalitativs izstuodis katalogs-gruomota.”

Interveju ar ituo izdavuma sastuodeituoju i teksta autori, muokslys zynuotneicu Irēnu Viļčuku, skaitit ITE, sovutīs niu izstuodi var apmeklēt viņ virtuali Rēzeknis piļsātys pošvaļdeibys sātyslopā ITE.

Jū publicejūt, projekta vadītāja, LKM Muokslys nūdalis vadeituoja Inese Dundure par izstuodi raksteja: “LKM kruojumā teik globuoti 65 vacmeistara Arvīda Eglis muokslys dorbi, kuri pādejūs 20 godu laikā tyka sistematiski i plānuoti apkūpti, restaurāti, nūdrūsynojūt juo radūšuo montuojuma saglobuošonu. Izstuode na tikai popularizej muokslinīka dailradi, bet ari izceļ muzeja naradzamuo dorba dalis – restauraceju, preventivū apkūpi. Paraleli izstuodei tyka atvārta ari A. Eglem veļteituo monografeja, kurā atspoguļuota vysa LKM A. Eglis kolekceja (vysleluokuo Latvejā) i c. materiali, tai vīnā projektā aptvartys vysys muzeja darbeibys pamatjūmys.”

Karteņa: publicitatis materiali

Kai Latgolys muzejim lūbīs tikt pi sovys profesionaluos bolvys pādejūs pīcūs godūs? Pārņ žurejis bolvu “Pamanīts” dabuoja Kruoslovys viesturis i muokslys muzejs par atkluotū kruojumu “Tēlnieces Vandas Zēvaldes mantojums”. Da 2019. gods LMB Goda bolva tyka padūta vairuokuos nominacejuos. Nominacejā “Gada mākslas izstāde 2019” uzvarēja Daugovpiļs Marka Rotko muokslys centra projekts ““Martinsona balva” II Latvijas starptautiskās keramikas biennāles konkursa izstāde”. Vairuok var skaiteit ITE.

Nominacejā “Gada tematiskā izstāde 2018” LMB Goda bolvu dabuoja Latgolys Kulturviesturis muzejs par izstuodi “Pāri slieksnim”, kas stuosteja par Latgolys kongresu. Vairuok var skaiteit ITE.

Da 2017. godam LMB Goda bolvu sauce “Zelta puteklis” i 2017. godā Ludzys Nūvodpietnīceibys muzejs sajēme “Zelta putekli 2016” nominacejā “Gada ekspozīcija” par ekspozicejis izveidi Ludzys Lelajā sinagogā. 2016. godā jī “Zelta putekli 2015” sajēme par Breivdobys i etnografejis nūdalis objektu “Rija”. Taipat 2016. godā itū bolvu nominacejā “Gada mākslas izstāde 2015” sajēme Preiļu Viesturis i lītiškuos muokslys muzejs par Jezupa Pīgožņa bolvys “Par labāko Latvijas ainavu glezniecībā” konkursa izstuodi.

Print Friendly, PDF & Email

Nūtikšonu kalendars

Aug
19
Pīk
16:00 Preiļu nūvoda svātki @ Preili
Preiļu nūvoda svātki @ Preili
Aug 19 @ 16:00 – Aug 21 @ 16:00
Preiļu nūvoda svātki @ Preili
20:00 Dzeivuos muzykys festivals “Muzy... @ Saļņovys estrade
Dzeivuos muzykys festivals “Muzy... @ Saļņovys estrade
Aug 19 @ 20:00 – 23:45
19. augustā 20.00 Reitupis svātki tiks īskandynuoti ar dzeivuos muzykys festivalu “Muzykys tracs”, kurā pīsadaleis vairuokys grupys i muziki nu Saļņovys, Malnovys, Upītis, Īlyukstis i Reigys – p.s. SALA, Fak”n”Turīs, STAIGUĻI, Kei- Rei, Piparmētras, Rainis[...]
20:00 Reitupis svātki @ Kuorsova i Saļņova
Reitupis svātki @ Kuorsova i Saļņova
Aug 19 @ 20:00 – Aug 26 @ 23:45
Reitupis svātki @ Kuorsova i Saļņova