Portala satura veiduošonā aicynojam tolkā žurnalistu i uorštata autorus

Portala satura veiduošonā aicynojam tolkā žurnalistu i uorštata autorus

Rokstu sagataveja: portals lakuga.lv

Paplašynojūt Latgalīšu kulturys ziņu portala lakuga.lv komandu i saturu, aicynojam tolkā žurnalistu i uorštata autorus. Žurnalista vakaņcis dasacejumus portals gaideis da 1. marta, bet uorštata autori sovus dorbus var pīduovuot pastuoveigi.

Aicynojam komandā žurnalistu

Portala komanda – redaktore Laura Melne i portala vadeituoja, socialūs teiklu redaktore Edeite Husare – aicynoj pīsavīnuot latgaliski rokstūšu žurnalistu, kab kūpā dokumentātu, viesteitu i stuosteitu tuoļuok par latgaliskuos kulturys nūtikšonom.

Praseibys kandidatam:

  • Vajadzeiga pīredze raksteišonā/žurnalistikā;
  • Interese par latgaliskū kulturu i tuos procesim;
  • Latgalīšu rokstu volūdys zynuošonys (i vajadzeibys gadīnī gribiešona tuos uzlobuot);
  • Gribiešona īsasaisteit portala atteisteišonā;
  • Dorbs byus interveju, aktualūs ziņu, kalendara nūtikšonu i cytu materialu sagataveišona portalam.

Pīduovojumā:

  • Planavuotuo slūdze 60 stuņžu mienesī;
  • Atleidzeiba par padadreitū 420 EUR/bruto (dorba leigums);
  • Papyldu projektu gadīnī byus vareiba slūdzi i atleidzeibu palelynuot;
  • Vareiba īsasaisteit cytūs (ari jaunūs) portala projektūs i paplašynuot dorba sferu (portals reikoj akceju “Latgalīšu volūdai draudzeiga vīta”, diktatu latgalīšu rokstu volūdā, taisa kulturys viests video formatā i eistynoj cytys aktivitatis);
  • Breivs dorba režims i struoduošona nu sevkurys sev ārtys vītys;
  • Vareiba savīnuot ar cytu dorbu, studejom;

Da 1. marta gaideisim dasacejumu ar CV i motivacejis viestuli breivā formā (raksteitu latgaliski) iz info@lakuga.lv ar nūruodi “Žurnalists”. Vaira informacejis par vakaņci var dabuot, rokstūt info@lakuga.lv voi zvonūt 29509672.

Pīduovuojums uorštata autorim

Latgalīšu kulturys ziņu portals lakuga.lv portala satura dažaiduošonai aicynoj tolkā uorštata autorus redzīņu, receņzeju, interveju, literarūs dorbu, pietejumu i cyta veida rokstu sagataveišonai (rokstim juobyut da ituo cytur napublicātim).

Rokstus, kuru temys saisteitys ar latgaliskū kulturu voi Latgolu, var īsnēgt latgalīšu voi latvīšu rokstu volūduos (portalā roksti teik publicāti latgaliski atbylstūši 2007. godā pījimtajim myusdīnu latgalīšu rokstu volūdys nūsacejumim), taipat publiciešonai teik pījimti latgaliski pīraksteiti redzīņu roksti ari par cytom Latvejis i pasauļa kulturys procesu tendencem.

Par rokstim autori sajem atleidzeibu (nu 75 eiro (bruto) par rokstu), kas teik izmoksuota kotra mieneša 30. datumā (voi pādejā dorbadīnā pyrma tuo). Atleidzeibu par rokstu autori sajem iz autorleiguma voi izraksteita riekina par padareitū dorbu pamata (atkareibā nu autora juridisko statusa i ierteibys).

Vālamais rokstu garums:

  • interveju tipa rokstim: vysmoz 6000 zeimu
  • receņzejom, redzīnim: vysmoz 4000 zeimu
  • pietejumim: vysmoz 6000 zeimu;
  • literarajim dorbim: vysmoz 5 dzejūli voi vysmoz 4000 zeimu garys prozys publikacejis;

Par rokstu temom autorim pyrma tuo juosavīnoj ar portala redakceju, rokstūt info@lakuga.lv.

___

Medeju “Latgalīšu kulturys ziņu portals lakuga.lv” uztur i darbeibu nūdrūsynoj bīdreiba “LgSC”, kura jau vaira nakai 15 godu eistynoj dažaidus ar latgalīšu volūdys saglobuošonu, atteisteišonu i populariziešonu saisteitus projektus. Portals lakuga.lv sovu darbeibu īsuoce 2007. godā, tys vys vēļ ir vīneigais medejs pasaulī, kura saturs teik sagataveits tikai latgalīšu rokstu volūdā – viesturiskā latvīšu volūdys paveidā.

Vaira dazynuošonai par portalu ite: https://www.lakuga.lv/kontakti/

Print Friendly, PDF & Email

Nūtikšonu kalendars

May
24
Ūtr
19:00 Latgalīšu rokstu volūdys nūdarbeiba @ tīšsaistē
Latgalīšu rokstu volūdys nūdarbeiba @ tīšsaistē
May 24 @ 19:00 – 20:30
Bīdreiba “LgSC” sadarbeibā ar latgalīšu kulturys ziņu portalu lakuga.lv aicynoj iz ostoņom latgalīšu rokstu volūdys tīšsaistis bezmoksys nūdarbeibom, kab kotrys interesents varātu izzynuot vaira par latgalīšu rokstu volūdu i īsavuiceit tuos pamatprincipus. Latgalīšu rokstu volūdys[...]
May
25
Tre
16:00 Maja dzīduojumi pi krysta ar etn... @ Vabalis krysts
Maja dzīduojumi pi krysta ar etn... @ Vabalis krysts
May 25 @ 16:00 – 17:30
Majs katuoļu bazneicys kalendarā ir Svātuos Jaunovys Marijis mieness – laiks, kod Vabalē teik izpuškuoti ceļa molys krysti i nūteik maja dzīduojumi. Ari itūgod, saglobojūt vīnu nu namaterialuo kulturys montuojuma tradiceju, pogosta ļauds teik aicynuoti[...]
May
26
Cat
19:00 Daņču vokors ar folklorys kūpu “... @ Augšdaugovys nūvoda kulturys centrs "Vārpa"
Daņču vokors ar folklorys kūpu “... @ Augšdaugovys nūvoda kulturys centrs "Vārpa"
May 26 @ 19:00 – 21:00
Daņču vokors ar folklorys kūpu "Dyrbyni" @ Augšdaugovys nūvoda kulturys centrs "Vārpa"
Leidza: ārtys mainis kurpis doncuošonai, dzeramais iudiņs. Daleiba breiva.
May
27
Pīk
15:00 Diskuseja par Latgolys parka att... @ Reiga
Diskuseja par Latgolys parka att... @ Reiga
May 27 @ 15:00 – 17:30
Diskuseja par Latgolys parka atteisteibu @ Reiga
Reigys dūme piec latgalīšu navaļstiskūs organizaceju rūsynuojuma lāmuse Moskovys duorzu Reigā puorsaukt par Latgolys parku. Kab dūmuotu, kai reizē ar itom puormaiņom parku padareit par pīviļceiguoku teritoreju i īspieju reidzuonim car tū vaira izzynuot par[...]
20:00 Jura Ostrovska koncerts @ Tiļžys kulturys i viesturis noms
Jura Ostrovska koncerts @ Tiļžys kulturys i viesturis noms
May 27 @ 20:00 – 22:00
Jura Ostrovska koncerts @ Tiļžys kulturys i viesturis noms