Tī vaid i raudoj Dnipra plotuo

Tī vaid i raudoj Dnipra plotuo

Rokstu sagataveja: portals lakuga.lv

Turpynojūt raudzeit sekuot leidza nūtikšonom Ukrainā i puordzeivojūt par Krīvejis armejis ībrukuma raiseitajom brīsmem, raugam izzynuot vaira par Ukrainu i tuos kulturu ari latgaliski. Pīduovojam īpasazeit ar ukraiņu dzīsmi, kurys vuordu autors ir portalā jau pīmynātais ukraiņu Raiņs Tarass Ševčenko (1814–1861). Juo ryndys atdzejuojuse žurnaliste, redaktore i latgalīšu rokstu volūdys specialiste Maruta Latkovska.

Maruta, stuostūt par atdzejuojuma ideju, soka: “Itei ir dzīsme ar Tarasa Ševčenko vuordim i tū breineigi izpylda Kijivā dzymušais dzīduotuojs Ivans Kozlovskis (1900–1993), kuram ir suleigs tenors. Munam veiram Nikolajam Latkovskam ari beja lobs bolss i ari tenors. Deļtuo itys maņ ir taids koč kas eipaši tyvs, bet itymā laikā ari spāku dūdūšs, jo vysi te mes asam saisteiti ar tik daudzom saitem – volūdu īskaitūt, ka vaira navarim i navarēsim vīns bez ūtra iztikt. Dīvs, sorgoj Ukrainu!”

Реве та стогне Дніпр широкий,
Сердитий вітер завива,
Додолу верби гне високі,
Горами хвилю підійма.

І блідий місяць на ту пору
Із хмари де-де виглядав,
Неначе човен в синім морі,
То виринав, то потопав.

Ще треті півні не співали,
Ніхто ніде не гомонів,
Сичі в гаю перекликались,
Та ясен раз у раз скрипів.
Tī vaid i raudoj Dnipra plotuo
I sirdeigs viejs tī apleik skrīn.
Da zemis leluos vierbys līcās
Kai kolni viļni pasaceļ…

A buolais mieness tymā laikā
Nu muokūņ’ tymsys šaļtim lein
Kai laiva jiurys zylumā,
To īgrymstūt, to iznierstūt…

Vēļ trešī gaili uorā nadzīd
I apleik nagamanej ļauds.
Viņ mežā pyucis sasaklaigoj
I reizem ūši īsačeikst…
Print Friendly, PDF & Email

Kalenders

Mar
2
Sai
18:00 Latgalīšu kulturys goda bolva “B... @ Latgolys viestnīceiba "Gors"
Latgalīšu kulturys goda bolva “B... @ Latgolys viestnīceiba "Gors"
Mar 2 @ 18:00 – 20:30
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]
21:15 Latgalīšu kulturys goda bolva “B... @ LTV1
Latgalīšu kulturys goda bolva “B... @ LTV1
Mar 2 @ 21:15 – 23:15
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]