“Volūdu sāta” tīšsaistis kursūs aicynoj vuiceitīs latgalīšu volūdu

“Volūdu sāta” tīšsaistis kursūs aicynoj vuiceitīs latgalīšu volūdu

Rokstu sagataveja: portals lakuga.lv

Kulturvīta “Volūdu sāta” (“Valodu māja”) pīduovoj vareibu dasasaceit latgalīšu volūdys tīšsaistis kursim suociejim ar latvīšu volūdys prīškzynuošonom, viestej informaceja “Volūdu sātys” sātyslopā. Nūdarbeibys nūtiks nu 5. maja catūrtdīnem 18.30 stuņdēs i tuos vadeis volūdneica, latgalīšu volūdys eksperte, korektore i tulkuotuoja Muora Mortuzāne-Muravska.

Kursūs paradzātys 10 nūdarbeibys pusūtrys stuņdis garumā. Moksa par kursim – 150 eiro. Veicūt pylnu apmoksu da 15. apreļa daīmama atlaide i juomoksoj tik 100 eiro. Studentim (ar dereigu studenta aplīceibu), cylvākim ar invaliditati i bīdreibys “Valodu muzejs” bīdrim – 10% atlaide.

Kursu dalinīkim tiks pīduovuoti jauni tīšsaistis materiali, kas tyka sataiseiti projektā “Latgalīšu volūda suociejim” (vaira par projektu var skaiteit ITE). Jau ir publiski daīmami kursu audiomateriali, ar kurim var īpasazeit ITE. Audiomateriali, kurūs idejis autors ir “Valodu māja” vadeituojs Snorre Karkkonen Svensson, ir daīmami latgalīšu volūdā, bet ar teksta tulkuojumu ari angliski. Tūs stuostu linejis autoris ir rakstneicys Ilze Jansone i Elīna Kokareviča, latgaliskuo teksta autore ir Muora Mortuzāne-Muravska, bet angliski tū puorlics Will Mawshood. Audiomateriali topuši studejā “Reiga” Kristapa Rasima vadeibā.

Kursim var dasasaceit, rokstūt iz e-posta adresu info@valodumaja.lv da 30. apreļa. Tī nūtiks, ka dasasaceis vysmoz pīci dalinīki.

Print Friendly, PDF & Email

Nūtikšonu kalendars

Nov
30
Tre
vysu dīnu Izstuode “Trīs no “Osīšiem”” @ Latgolys Centraluo biblioteka
Izstuode “Trīs no “Osīšiem”” @ Latgolys Centraluo biblioteka
Nov 30 vysu dīnu
Leidz 30. novembram Latgolys Centraluos bibliotekys Daiļliteraturys sektorā apsaverama Guru saimis gleznu izstuode “Trīs no “Osīšiem”. Ekspozicejis autoris dažu godu laikā kruoja muokslys dorbus, nu kurūs daudzi jau ir sajāmuši atzineibu ari cytuos izstuodēs. Skateituojam[...]