Kulturys īsacejumi nedeļai: baudeit rudiņa syltū sauli i gasteit Drycānūs

Kulturys īsacejumi nedeļai: baudeit rudiņa syltū sauli i gasteit Drycānūs

Rokstu sagataveja: portals lakuga.lv

Tikū, 11. septembrī, asam nūsvietejuši styprus svātkus – Tāvu dīnu. Deļtam itūreiz kulturys īsacejumi nedeļai atceļuojuši nu Rēzeknis nūvoda Drycānu pogosta, kur sovu styprū saimisteibu kūpejim spākim atteista saiminīks Juoņs, saimineica Ingūna i jūs jaunuo paaudze Krišjuoņs, Mikelis i Jurgis. Vaira par saimi par puorskaiteit sarunā ITE.

Izbaudeit syltūs saulis spaitus

Cikom vēļ pādējī syltī saulis spaiti sagiunomi, aicynojam saimis ar bārnim i vysus, kam pateik byut pi dobys, iz myusu rodūšū lauku saimisteibu “Leiceiši”. Te var izīt nalelā ekskursejā, sasatikt ar zirdzenim i gūteņom, pabaruot cipeites (vistenis), kurys mes saucam par Češļu klukstem. Ituos damys ir cīši komunikablys i lobpruot ļausīs sevis cīnuošonai ar myusu sagataveitim gordumim.

Karteņa: Češļu klukstis i Mikelis. Personeigais arhivs.

Paraudzeit spākus lauku spēlēs

Taipat, ka izīt ļuste, var paraudzeit eistynu lauku spēli – ciervu mesšonu voi šaušonu ar lūku. Ituos aktivitatis vysleidz aizraun kai leluokus tai i mozuokus gostus i vysim pasaruoda azarts paraudzeit vēļ lobuok īsaut mierkī. Saimisteibys apsavieršonys vydā mes nūteikti pastuosteisim par myusu kuopumim, krytumim i izaicynuojumim, atteistūt myusu lauku saimisteibu.

Karteņa: Juoņs apvuica gostus saut mierkī ar lūku. Personeigais arhivs.

Apsavērt Drycanu bazneicu i draudzis sātu

Drycānu bazneicys viesture aizastīp leidz pat 1779. goda, kod itamā vītā tyka izcalta pyrmuo kūka bazneica. Sovpus niulejū myura bazneicu izcēle 1859. godā. Bazneica īsvieteita par gūda apustulu Seimaņa i Jūdys gūdam.
Ari viesturiski niulejuo draudzis sāta calta deļ bazneicys vajadzeibu, tok padūmu godūs te atsaroda posta nūdaļa. Tik 2015. godā draudzei izadeve izsūlis ceļā dabuot itū sātu i ap tū asūšū zemi. Itymā godā ir ari pabeigta Drycānu draudzis sātys ūtruo stuova syltynuošona i kūka apdare, vystik vēļ ir vysā daudz kas juopadora, kab sātu varātu suokt apdzeivuot.

Print Friendly, PDF & Email

Nūtikšonu kalendars

Mar
24
Pīk
15:00 Osvalda Zvejsalnieka pīmiņai veļ... @ Leivuona stykla i amatnīceibys centrs
Osvalda Zvejsalnieka pīmiņai veļ... @ Leivuona stykla i amatnīceibys centrs
Mar 24 @ 15:00 – 17:00
Leidz 13. apreļam Leivuona stykla i amatnīceibys centra izstuožu zālē apsaverama Osvalda Zvejsalnieka (1944-2022) gleznīceibys izstuode “Māja pie Daugavas”, informej centra puorstuove Kristīne Lipkova. 24. martā 15.00 stuņdēs paradzāta ari muokslinīka pīmiņai veļteita sasatikšona. Marts[...]
16:00 Latgolys grafikys simpozeja izst... @ Daugovpiļs Marka Rotko muokslys centrs
Latgolys grafikys simpozeja izst... @ Daugovpiļs Marka Rotko muokslys centrs
Mar 24 @ 16:00 – 17:30
Pīktdiņ, 24. martā, 16.00 stuņdēs Daugovpiļs Marka Rotko muokslys centrā piec div nedeļu intensiva dorba studejuos tiks atkluota 11. Storptautyskuo Latgolys grafikys simpozeja nūslāguma izstuode i sveikti tuo dalinīki. 11. Storptautyskais Latgolys grafikys simpozejs nūteik[...]