Aicynoj iz puorizdūtuos Masiļūnis “Povuoru gruomotys” attaiseišonys svātkim

Aicynoj iz puorizdūtuos Masiļūnis “Povuoru gruomotys” attaiseišonys svātkim

Rokstu sagataveja: portals lakuga.lv

Latgolys Kulturviesturis muzejā 7. oktobrī 14 stuņdēs vysi interesenti teik aicynuoti iz atmiņu piecpušdīni i puorizdūtuos Antoninys Masiļūnis povuorgruomotys attaiseišonys svātkim.

Pyrma kaidys šaļts portals Lakuga.lv viesteja, ka teik plānuota vīneiguos povuorgruomotys latgaliski Antoninys Masiļūnis “Povuoru gruomota” puorizdūšona. Gruomotys puorizdūšonys projektu atteisteja Rēzeknis Tehnologeju akademejis (RTA) docente Diāna Apele, kas ir ari pyrmuos povuorgruomotys izdavuma muokslineica. Goda suokumā tyka īsnāgts dasacejums Rēzeknis piļsātys Mozūs kulturys i turisma projektu konkursam i piečuok ari sajimts atbolsts gruomotys puorizdūšonai, vysu rokstu skaiti ITE.

Niu Latgolys Kulturviesturis muzejā 7. oktobrī 14 stuņdēs vysi interesenti teik aicynuoti iz atmiņu piecpušdīni i puorizdūtuos Antoninys Masiļūnis povuorgruomotys atkluošonys svātkim.

Pasuokuma programā nu suoku Rēzeknis Tehnologeju akademejis profesionaluo magistra studeju programys “Dizains” studente Valentīna Siņakova prezentēs puorizdūtū gruomotu. Piečuok RTA docente Diāna Apele drupeit pasadaleis personeigajuos atmiņuos par pyrmuo izdavuma tapšonu. Sovā pīredzī daleisīs ari puorizdūtuos gruomotys korektore Maruta Latkovska i fotografeju autore Zaiga Pettere. Taipat teik plānuots, ka pasauokumā pīsadaleis Antoninys Masiļūnis leidzgaitnīki i juos darbeibys pietnīki.

Pasuokuma nūslāgumā byus vareiba nūbaudeit “peiriedzeņus”, kas capti piec Masiļūnis receptu.

Print Friendly, PDF & Email