Grupys “Bez PVN” jaunuo dzīsme oktobrī — “Batuts”

Grupys “Bez PVN” jaunuo dzīsme oktobrī — “Batuts”

Rokstu sagataveja: portals lakuga.lv

Oktobrī grupa “Bez PVN”, turpynojūt septembrī aizsuoktū tradiceju kotra mieneša 8. datumā publicēt jaunu dzīsmi, pīduovoj palaksteit iz “Batuta”. 

Dzīsmis “Batuts” muzykys i vuordu autors i grupys “Bez PVN” dalinīks Kristaps Rasims, īroksts taiseits studejuos “Hodila Records” pi Girta Laumaņa i studejā “Reiga”, bet dzīsmis miksa i mastera apstruodis taisejs Armands Treilihs. “Batuts” video versiju paleidzēja sataiseit Ivars Utināns, i video teksta grafiku — Viola Lapa. Aktieru lūmuos īsajuta — Valdis Vucāns i Marians Skutelis. Par batutu grupa soka paļdis Skuteļu saimei Korsikovā.

Dzīsmis teksta i muzykys autors Kristaps Rasims vielej: “Pīaugsim pruotā, na viņ sirdī. Itys i ir golvonais batuts kotram atspierīņam!”

Grupā “Bez PVN” dorbojās: Kristaps Rasims (bolss, elektriskuo gitara), Guntis Rasims (bolss, akustiskuo gitara), Juris Vucāns (bolss, elektriskuo gitara, tausteni), Valdis Vucāns (basa gitara) i Normans Bārbals (bungys).

Vaira par grupys “Bez PVN” īprīšk septembrī publicātū dzīsmi “33” var izzynuot: https://www.lakuga.lv/2022/09/08/suocut-jaunu-tradiceju-grupa-bez-pvn-prezentej-dzismi-33/

Print Friendly, PDF & Email

Kalenders

May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24. 
May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]