Latgalīšu rokstu volūdys nūdarbeiba VII
Rokstu sagataveja: bīdreiba “LgSC”
Bīdreiba “LgSC” sadarbeibā ar latgalīšu kulturys ziņu portalu lakuga.lv turpynoj aicynuot iz latgalīšu rokstu volūdys tīšsaistis bezmoksys nūdarbeibom, kab kotrys interesents varātu izzynuot vaira par latgalīšu rokstu volūdu i īsavuiceit tuos pamatprincipus.
11. oktobrī 19.00 septeituo nu ostoņu nūdarbeibu, tai leidza sekuot var tīšraidē ITE (bīdreibys “LgSC” profilā socialajā teiklā Facebook), kai ari pīsaslēgt ZOOM variantā ar saiti ITE. Piečuok nūdarbeiba ir nūsaverama ari “LgSC” kanalā YouTube i īroksts palīk ari Facebook.
Latgalīšu rokstu volūdys nūdarbeibys voda vīna nu zynūšuokūs latgalīšu rokstu volūdys specialistu, latgaliskūs gruomotu korektore, pīredziejuse volūdys nūdarbeibu vadeituoja i volūdys eksperte Muora Mortuzāne-Muravska.
Septeituo nūdarbeiba veļteita darbeibys vuordu lūceišonai – ūtrajai i trešajai konjugacejom. Ite zamuok byus daīmams tests, kurā varēs puorbaudeit, cik itūreiz nūdarbeibā labi saprasta tema.
Pādejuo, kas byus jau ostoituo volūdys nūdarbeiba, byus trešdiņ, 26. oktobrī. Vysys volūdys nūdarbeibys var nūsavērt ite:
Latgalīšu rokstu volūdys kursu nūtikšonu finansiali pabolsta Sabīdreibys integracejis fonds nu Kulturys ministrejis daškiertūs Latvejis vaļsts budžeta leidzekļu.
Septeituos nūdarbeibys temys pošpuorbaudis tests:
#1. Kai latgaliski pareizi roksta vuordu “pelnīt”?
#2. Kai latgaliski pareizi roksta vuordu “kavēt”?
#3. Kai latgaliski pareizi roksta vuordu “rakstīt”?
#4. Kai latgaliski pareizi roksta vuordu “redzēt”?
#5. Kurys konjugacejis darbeibys vuords ir “dzīduot”?
#6. Īroksti pareizū formu! Mes šudiņ ___ meļneicys.
#7. Īroksti pareizū formu! Jius ____ vasalu tyukstūšu zvaigžņu!
#8. Īroksti pareizū formu! Muosa vakar _____ bīzu gruomotu.
#9. Īroksti pareizū formu! Jius cytunedeļ _____ garā ryndā piec jaunys pasis.
#10. Īroksti pareizū formu: Vysi pīktdiņ balā cīši daudzi ______.
