Kulturys īsacejumi nedeļai: latgalīšu serials i Jaunuo gods sagaideišona Daugovpilī

Kulturys īsacejumi nedeļai: latgalīšu serials i Jaunuo gods sagaideišona Daugovpilī

Rokstu sagataveja: portals lakuga.lv

Itūnedeļ, 29. decembrī, 22.10 stuņdēs LTV1 televizejis pymizruodi pīdzeivuos pyrmais latgalīšu serials “Fati”. Par tū ituo gods pādejuos nedelis kulturys īsacejumi nu seriala idejis autora – grupys “Dabasu durovys” lidera i viesturis doktoranta Arņa Slobožanina.

Vērtīs “Fatus”!

29. decembrī 22.10 stuņdēs LTV1 varēs nūsavērt pyrmuos divejis seriala “Fati” serejis, sovpus atlykušuos divejis ruodeis taišni piec nedelis – 5. janvarī. Arņs aicynoj vysus nūsavērt serialu: “Izasmīsit tai, kai vādari suopēs!” Ka nasaīt nūsavērt LTV1, tod piečuok serials byus daīmams izklaidis platformā TET. Vaira par “Fatim” var skaiteit ITE.

Jaunuo gods sagaideišona ar “Dabasu durovom”

Arņs atguodynoj ari par vareibu Jaunū godu sagaideit kūpā ar jū i grupu “Dabasu durovys” Daugovpilī, Augšdaugovys nūvoda kulturys centrā “Vārpa”. Tī 31. decembrī 22.00 stuņdēs paradzāts Vacgoda bals.

Jaunais gods vīsneicā “Latgola”

Kai jau Dīnavylatgolys patriots, Arņs pīduovoj ari vēļ vīnu variantu Jaunuo gods sagaideišonai Daugovpilī. Vīsneicā “Park Hotel Latgola” 31. decembrī gaidoms ļusteigs pasuokums ar DJ Gati, kai ari Daugovpiļs teatra akterim Māri Korsieti (jis ari vīns nu “Fatu” golvonajim varūnim) i Egilu Viļumovu.

Print Friendly, PDF & Email

Nūtikšonu kalendars

Feb
4
Sai
vysu dīnu TLMS “Dzīpariņš” 45 darbeibys go... @ Latgolys Kulturviesturis muzejs
TLMS “Dzīpariņš” 45 darbeibys go... @ Latgolys Kulturviesturis muzejs
Feb 4 vysu dīnu
Jaunū izstuožu godu Latgolys Kulturviesturis muzejs īsuoc kūpā ar ilggadejū i vysod atsauceigū sadarbeibys partneri – Tautys lītiškuos muokslys studeju “Dzīpariņš”. Tei nūdybynuota jau 1978. godā i apvīnoj sevī vysaidu paaudžu rūkdarbneicys, kurys saista kūpeiga[...]