TESTS: Kū tu zyni par Latgolys muzeju kruojumu duorgumim?

TESTS: Kū tu zyni par Latgolys muzeju kruojumu duorgumim?

Portals lakuga.lv nu ituo gods juņa aizsuocs rokstu sereju, kurā reizi mienesī īpazeist kaidu Latgolys muzeju i tuo kruojuma duorgumus. Asam bejuši gostūs jau pi sešu nu kūpumā paradzātūs desmit muzeju, partū pīduovojam atbiļdēt iz testa vaicuojumim, kab vēļreiz atsavārtu iz Latgolys muzeju kruojumu eipašūs vierteibu.

Results

-
Stuostus par vysu muzeju duorgumim var puorskaiteit ITE
Print Friendly, PDF & Email
Stuostus par vysu muzeju duorgumim var puorskaiteit ITE

Print Friendly, PDF & Email

#1. Filozofu, dzejnīku i religeju pietnīku Robertu Mūku, kuram veļteits muzejs Gaļānūs, dzeivis laikā beja gryuši īsadūmuot bez tabakys moka šnūreitē par placu. Peipu jam bejs cīši daudz, tok dzeivis nūgalē, kod uorsti jam peipiešonu aizlīguši, Mūks lyudzs sīvai vysys peipis izsvīst, kab jū navastu grākā. Puori palykušuos peipis niu var apsavērt Roberta Mūka muzejā. Cik jūs tī ir?

Iz prīšku

#2. Par unikaluokū Ludzys nūvodpietnīceibys muzeja Breivdobys i etnografejis nūdalis objektu teik skaiteita dyumustoba, kū var dateit ar 19. godu symta pyrmū catūrksni. Tei iz muzeju puorvasta nu Isnaudys pogosta. Cik ilgi itei viesturiskuo sāta, kurai nav škūrstyna, partū ka vysi dyumi nu cepļa tyka izlaisti pa durovom, tyka apdzeivuota?

Iz prīšku

#3. Jaunuokais Ludzys nūvodpietnīceibys muzeja Breivdobys i etnografejis nūdalis objekts ir jaunsaiminīka sāta, kas puorvasta nu Mērdzinis pogosta Avīšu (niu Avīši atsarūn Pušmucovys pogostā). Tuos eipašnīki bejuši kaida īvārojama latgalīšu dzejnīka i sabīdryskuo darbinīka bruoli. Kura?

Iz prīšku

#4. Fraņča Trasuna muzejā “Kolnasāta” apsaverams ari īspaideigs Trasunu dzymtys kūks. Cik daudz cylvāku tymā īkļauti?

Vaira par Fraņča Trasuna muzeju “Kolnasāta” vari izzynuot ite: https://www.lakuga.lv/2022/08/30/franca-trasuna-dzymtuo-sata-muzeja-kolnasata-leluokais-duorgums/

Print Friendly, PDF & Email
Iz prīšku

#5. Bolvu Nūvoda muzejs par vīnu nu sovu leluokūs duorgumu sauc kaidam nūvadnīkam veļteitu kolekceju, kū piec juo nūīšonys myužeibā muzejam duovuojuse juo atraitne. Kai sauc itū nūvadnīku, kurs bejs pyrmais Latvejis militarais atašejs ASV, Krīvejā i Kanadā, kai ari pyrmais Nacionaluos aizsardzeibys akademejis rektors?

Iz prīšku

#6. Bolvu Nūvoda muzeja arheologejis kolekcejis leluokuo pērle ir mamuta ilkņa fragments, kas sasaglobuojs nu akmiņa laikmata. Kurā godā tys tyka atrosts?

Iz prīšku

#7. Skryndu dzymtys muzejā ir eipašs stuosts par kaidu Ontona Skryndys lokalizātu lugu, kurys izdavums ir bibliografisks ratums, kuruo nav pat Latvejis Nacionalajā bibliotekā. Itū nalelū gruomateņu muzejam izduovuojuse Lideja Leikuma, piec tam, kod muzeja specialiste par tū apsavaicuojuse Facebook. Par kuru Ontona Skryndys lugu ite teik stuosteits?

Iz prīšku

#8. Divejis Skryndu dzymtys muzeja kruojumā asūšys fotografejis aiz seve globoj stuostu par tū, deļkuo kaidai nu Latvejis školu ir dūts bruoļu Skryndu vuords. Kur atsarūn itei škola?

Iz prīšku

#9. Kai sauc itū Leivuona stykla muzejā apsaveramū trauku komplektu?

Iz prīšku

#10. Vīns nu Leivuona stykla muzeja duorgumu ir Breiveibys pīminekļam taiseitys flizis. Tuos Leivuona stykla fabrika ražuojuse pat divejis reizis. Kod tys nūtyka?

Gotovs!

Par vysim muzejim var puorskaiteit ITE.

Print Friendly, PDF & Email

Kalenders

Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.
19:00 Grupys “Galaktika” albuma prezen... @ Kuldeigys kulturys centrs
Grupys “Galaktika” albuma prezen... @ Kuldeigys kulturys centrs
Apr 13 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]