Pīcys Muzeju nakts nūstuošonys. Īsoka portals lakuga.lv

Pīcys Muzeju nakts nūstuošonys. Īsoka portals lakuga.lv

Roksta autore: Laura Melne, portals lakuga.lv

13. majā jau deveņpadsmytū reizi Latvejis muzeji i cytys kulturvītys svieteis Muzeju nakti, pīduovojūt vysaiduokys bezmoksys nūtikšonys. Ituo gods Muzeju nakts tema ir “radeišona” vuorda vysplašuokajā nūzeimē. Latvejā pasuokumi nūtiks vaira nakai 244 vītuos, nu tūs 36 byus Latgolā. Kab naapsamaļdeitu daudzveideigajā pīduovuojumā, portals lakuga.lv pīduovoj sovu Muzeju nakts nūtikšonu izlasi, tok ar vysu programu var īpasazeit ITE.

Kulinarais montuojums i latgalīšu muzyka

Rēzeknis nūvoda Bieržgaļa kulturys noms, kurā atsarūn ari Ontona Rupaiņa muzejs, ituo gods Muzeju naktei sagatavejs eistyn latgalisku programu. Paradzāta kai latgalīšu i ukraiņu kulinarejis montuojuma meistardarbneica, tai stuosti par īlu nūsaukumu rasšonūs Bieržgalī i viesturisku video vieršonuos. Vysa vokora garumā varēs apsavērt rodūšūs dorbu izstuodi “Veltījums Bērzgales bērzam”, tok pasuokuma kulminaceja byus sarunys ar latgalīšu muzykys zvaigznem Sovvaļnīku i Ūgu par tū, kai rūnās jūs muzyka.

Tiergs, teatris i muzyka

Daudzveideigu programu pīduovoj ari Ludzys nūvodpietnīceibys muzejs. Tī vokora gaitā varēs apmeklēt vītejūs ražuotuoju tierdzeņu i J. Soikāna Ludzys muokslys školys rodūšū darbneicu, kai ari byus vairuokys kulturys nūtikšonys. Vysapyrma fotografeju izstuodis “Mans tautastērps pasaulē” atkluošona, kam sekuos skateituoju cīši īcīneituo Nautrānu pogosta Dekteru amaterteatra izruode latgalīšu volūdā “Modernā laulība jeb slimokases pacients” i bruoļu Puncuļu koncerts.

Ebreju tradicejis i latgalīšu dzeja

Par aizraunūšu pīduovojumu Muzeju naktī vysod pasaryupej Rēzeknis Zaļuo sinagoga. Ari itūgod tuos programa ir cīši daudzveideiga – rodūšuos darbneicys bārnim, kulinaruo meistarklase, gida Voldemāra Ivdra faktim boguotais i interesantais stuostejums. Naiztiks ari bez muokslinīku uzastuošonu – fragmentus nu izruodis “Mans kaimiņš ebrejs” ruodeis akteri Tatjana Suhinina-Pecka i Aivars Pecka, bet Kristapa Viša muzykaluos gitarys impresejis izskanēs sintezē ar Ligijis Purinašys dzeju.

Rodūšuos darbneicys i blūdiešona pa nakti

Baļtinovys muzejā sūpluok rodūšajom darbneicom, kuruos taiseit rūtys i izzynuot vaira par permakulturu, varēs ari pīsadaleit Dainys Zvejsalniecis radeitūs apgierbu demonstriejumūs i paraudzeit kūpradeitū muzeja zupu ar daudzsūlūšu nūsaukumu “Trīs graudi un cirvja kāts”. Tok pasuokuma kulminaceja ir, īspiejams, vysunikaluokuo vysā apleicīnē – nakts puorguojīņs (suokums 22.20) pa vacajim Baļtinovys celim “Nakts blūds dasasits!” 5 km garumā maršrutā Baļtinova-Keiši-Kotlova-Baļtinova.

Gataveišonuos Juoņa Gleizda symtgadei

Muzeju nakts teik svieteita na tik akreditātūs muzejūs, bet ari cytuos tikpat nūzeimeiguos vītuos. Ari “Pliča sātā” Preiļūs tradicionali itymā vokorā teik gaideiti gosti. Itūreiz iz pasuokumu “Ceļā uz Jāņa Gleizda simtgadi”. Tī varēs apsavērt Igora Pliča sataiseitū fotomuokslinīkam Juoņam Gleizdam veļteitū ekspoziceju, Gleizda dorbu izstuodi “Sievietes skaistums”, kai ari pīdzeivuot folklorys kūpys “Rūžupis veiri” koncertu.

Print Friendly, PDF & Email

Kalenders

May
24
Pīk
22:05 Raibīs. Pyrma syltī. Zalta tesmi... @ Latvejis Radio 1
Raibīs. Pyrma syltī. Zalta tesmi... @ Latvejis Radio 1
May 24 @ 22:05 – 23:00
Raibīs. Pyrma syltī. Zalta tesmini. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
25
Sai
19:00 Grupys “Raxtu Raxti” i “Sinfonie... @ koncertzāle "Lielais Dzintars"
Grupys “Raxtu Raxti” i “Sinfonie... @ koncertzāle "Lielais Dzintars"
May 25 @ 19:00 – 21:00
Līpuojis koncertzālis pavasara sezonys nūslāgumā iz leluos skotivis varēs pīdzeivuot eipašu mageju, kū veiduos mejīdarbeiba tautys i akademiskuos muzykys vydā – grupa “Raxtu Raxti” i kamerorkestris “Sinfonietta Rīga” dirigenta Normunda Šnē vadeibā. Kūpeigajā koncertprogramā skanēs[...]