“Gandreiž 10nīkā” ar dzīsmi “Panki doncoj” īsuoc ūtruo albuma gaideišonu

“Gandreiž 10nīkā” ar dzīsmi “Panki doncoj” īsuoc ūtruo albuma gaideišonu

Rokstu sagataveja: portals lakuga.lv

Grupa “Gandreiž 10nīkā” publiciejuse jaunu dzīsmi “Panki doncoj”, kas ir pyrmuo dzīsme nu da rudiņa izdūt īcarātuo grupys ūtruo albuma, portalu lakuga.lv informej grupys puorstuovs Juoņs Kuzminskis, kurs ir ari jaunuos dzīsmis muzykys i teksta autors.

Grupys ūtrais albums ir paradzāts kai albumu trilogejis trešuo daļa. Pyrmuo daļa beja “Gandreiž 10nīkā” debejis albums “Nasoki nikuo”, kas izguoja 2017. gods vosorā (vaira par tū var puorskaiteit ITE). Albumā varēja dzierdēt devenis grupys izpiļdeituos dzīsmis, tymā skaitā ari “Putneni”, “Ješka” i “Traktoru pavielnīks”. Vysu dzīšmu muzykys i tekstu autors beja Juoņs Kuzminskis (dzīsmē “Ehti” tyka izmontuoti ari Ontona Slišāna vuordi), aranžiejumu i mix veiduoja Vitālijs Grišunovs. Par trilogejis byušonu sovulaik Kuzminskis stuosteja, ka taids formats izvālāts, partū ka “Gandreiž 10nīkā” beja sasakruojs ap 30–40 dzīšmu, kū salikt vīnā diskā nabyutu pruoteigi. Deļtuo izlamts, ka kotra albuma daļa tiks prezentāta atseviški.

Gatavejūt ūtrū albumu, grupai pasamejs sastuovs – niu sūpluok ar vokalistu i gitaristu Juoni Kuzminski, “Gandreiž 10nīkā” kai bundzinīks muzicej Mareks Gusāns, bet basgitarists ir Ingars Gusāns. Obeji jaunī grupys daleibnīki ir radzāti jau ari cytuos latgalīšu muzykys apvīneibuos, par pīmāru, “Sovvaļnīks”, “Borowa Mc”, “Fak’n’turīs” i cytuos. Grupa jaunajā sastuovā juļa suokumā beja dzieržama ari “Rancāna pogolma“ “Legendarajā pagreidis kinu vokorā“ ar sovulaik DJ Guntix īrunuotajom kinom (fotogalereja zam roksta).

Dzīsme “Panki doncoj”, kas reizē teik pīduovuota ari grupys “Gandreiž 10nīkā” 10 godu pastuoviešonys jubilejis īskaņuos, īraksteita i apstruoduota Valmīrā, studejā “Hodila Records”. Dzīsmis teksta i muzykys autors ir Juoņs Kuzminskis, bet dzīsmi aranžiejuši vysi grupys daleibnīki kūpā.

Fotogalerejā: Legendarais pagreidis kinu vokors, foto Amanda Anusāne, portals lakuga.lv

Print Friendly, PDF & Email

Kalenders

Apr
16
Ūtr
12:00 Izruode “Spreideits” @ Daugovpiļs teatris
Izruode “Spreideits” @ Daugovpiļs teatris
Apr 16 @ 12:00 – 13:00
Pyrmū reizi nu teatra skotuvis puosoku luga „Sprīdītis” izskanēs latgaliski! Izruode ir paradzāta kai tim, kurim latgalīšu volūda ir dzymtuo, tai tim, kurim gribīs tū lobuok īpazeit, jo Spreideiša laimis mekliejumi ir labi zynomi i[...]
Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]