Kulturys īsacejumi nedeļai: izjust, byut vydā i sevī

Kulturys īsacejumi nedeļai: izjust, byut vydā i sevī

Rokstu sagataveja: portals lakuga.lv

Aizvadeitajā nedeļgolā Upītē tyka atkluots renovātais Namaterialuos kulturys montuojuma centrs. Svātki Upītē turpynojās ari itūnedeļ. Iz tim aicynoj ari rakstneica, tekstilmuokslineica i školuotuoja Annele Slišāne. “Breineiguo Latgolys vosora augusta beiguos! Izjust byut vydā i sevī. Īt pļovuos, mežūs, pūrūs. Izdzeivuot vosoru!” aicynoj Annele. Tok tim, kas Reigā, jei īsoka apmeklēt tekstilmuokslys i škīdru muokslys trienali, kai ari “Punctum festivālu”.

Upītis svātki i sātys kopejneicys

Augusta ūtruos pusis leluokais i meiluokais pasuokums Zīmeļlatgolā ir Upītis svātki. Tymūs sasateikam ar sovejim tyvejim i tuolejim i jiutamīs kuo dvorā. Svātki nūteik daudzu dīnu garumā ar vysuodim pasuokumim – teatrim (Latvejis Nacionaluo teatra izruode, Leļu teatra i Dirty Deal teatra izruode), Styprūs skriejīni, daņčim, ballem i sātys kopejneicom “Tuoraga stuosti Zeļčusolā” i “Stabļovas ķiploks un medus” . Jau trešū godu Zeļčusolā ir sātys kopejneica, te byus gordi i vierteigi bierneibys atmiņu i latgalīšu zemnīku iedīni, munu tekstileju izstuode, ekskurseja, puču mandalu ausšona i #tuoragastuostu lasejumi. Vaira par Upītis svātkim var skaiteit ITE.

Foto: Annele Slišāne

Tekstilmuokslys i škīdru muokslys trienale

Breineigys i vierteigys Storptautyskuos tekstilmuokslys i škīdru muokslys triennalis izstuodis apsaveramys Dekorativuos muokslys i dizaina muzejā i muzejā “Rīgas birža”. Aicynoju apmeklēt, saredzēt, sajust pasaulī globali svareigu lītu, problemu i cylvāku īškejūs puordzeivuojumu interpretaceju vysaidu pasaulis i Latvejis muokslinīku laikmeteigajūs tekstilmuokslys i škīdrys dorbūs. Itei ir breineiga īspieja maņ ar sovu leformata dorbu “saluopiet dabasus” (adejums, polipropilena aukla, 2022) pīsadaleit trienalē. Vēļ pīsadola muna muosa Lienīte Slišāne ar sovu dorbu “Cietsirdīgās spēles”.

Annelis Slišānis dorbs “saluopiet dabasus”. Foto: Laura Melne/portals lakuga.lv

Literatura kai terapeja “Punctum festivālā”

Literatura kuo īspieja veicynuot puormainis sabīdreibā. Literaturys terapeitiskuo nūzeime, tuos spāks maineit sabīdreibys procesus i attīksmi. Aicynoju pīsadaleit “Punctum festivālā”, ka saīt byut Reigā. Ka nasaīt byut kluot, losi, skaiti, roksti par vysu kas svareigs, par vysu, kas nūzeimeigs. Vīnaldzeiba nav vierteiba. Tei nav sajiuta, tys ir tod, kod nikuo najiuti. Vaira par festivalu var skaiteit ITE.

“Punctum festivāla” vizualais materials. Publicitatis karteņa
Print Friendly, PDF & Email

Kalenders

Apr
19
Pīk
19:00 Grupys “Galaktika” albuma prezen... @ Ludzys tautys noms
Grupys “Galaktika” albuma prezen... @ Ludzys tautys noms
Apr 19 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]