Dirigents nu Dekšuoru, festivals “Škiuņa džezs” i Moskvinys vacticeibnīki – žurnala “A12” stuosti rudinī

Dirigents nu Dekšuoru, festivals “Škiuņa džezs” i Moskvinys vacticeibnīki – žurnala “A12” stuosti rudinī

Rokstu sagataveja: portals lakuga.lv

Pi skaiteituoju tics žurnala “A12” oktobra/novembra numers i tymā var puorskaiteit sarunys ar dirigentu Aināru Kiserovski, muokslineicu Grietu Butjankovu, stuostu par Baļtejis džeza festivalu “Škiuņa džezs” i cytys sarunys i stuostus.

Žurnala “A12”, kas ir vīneigais žurnals, kas viestej par Latgolys ļaudim i jūs stuostim, redaktore Ināra Groce ituo numera īvodā soka: “Latgola jau nu seneju laiku bejuse i dzeivuojuse rūbežu linejuos, tei ir vysaidu vaļstu i varys režimu sasatikšonys punkts. Rūbežu linejuos nūteik vairuoku tauteibu sūpluok pastuoviešona, šaļtim nasasaprasšona, tok idealā gadīnī – sadarbeiba. I taišni tys ir potencials radeit jaunys vierteibys i nabejušus rysynuojumus kasdīnys izaicynuojumim, bet tys nav ari cik vīnkuorši i bīži viņ rezultatu juogaida ilgi.”

Žurnala “A12” oktobra/novembra numerī skaitit:

  • dekšuorīts Ainārs Kiserovskis: “Es cīši grybātu, lai jaunīši īt dzīduotu. Jo tys ir tik forši!”. Sarunā ar 22 godus jaunū dirigentu, vairuoku kolektivu izveiduotuoju i vadeituoju par vierteibom i dzeivis mierki;
  • ar kū izaceļ Moskvinys vacticeibnīku lyugšonu noms i kaids ir bīdreibys “Moskvinas vecticībnieki” vadeituojis Tatjanys Kolosovys i juos seņču īguļdejums itamā draudzē;
  • “Kotrys dorbs ir kai ceļš iz izaugsmi. Šudiņ mes par tū prīcojamīs, bet reitu jau gribīs vēļ lobuok.” Piļsātys sīnu i cylvāku mīsu apgleznuotuoja, muokslineica Grieta Butjankova.
  • kai mes, latvīši, latgalīši, varim pasamaineit iz augšu – Latvejā tūlaik, 90. godūs, i niu bejušuo politiķa, aktiva Tautys froņtis dalinīka Valda Lauska viertejumā.
  • cyti stuosti par rodūšajim, styprajim, īdviesmi dūdūšajim ļaudim Latgolā i aiz tuos rūbežu.

Jaunuokajā žurnalā “A12” vysu rokstu vydā ari portala lakuga.lv redakcejis komandys taiseitī stuosti – itūreiz ar latgaliskuo “viestneicu” Kūrzemē Ingrīdu Vistopolu sasarunuoja žurnaliste Marta Puzāka, bet interveju ar muokslineicu Grietu Butjankovu sagatavejuse lakuga.lv redaktore Laura Melne.

Žurnals “A12” ir vareiba jau vaira nakai 10 godus izzynuot par dzeivi i ļaudim Latgolā i pasaulī, puorskaiteit dažaidus dzeivisstuostus, pīsadaleit viesturiskūs ceļuojumūs laikā i telpā, kai ari byut atkluojumu i puordzeivuojumu dalinīkim. Žurnals izīt 6 reizis godā. Kab atbaļsteitu žurnala byušonu ari iz prīšku, aicynojam abonēt. Jaunuokū žurnala numeri var nūpierkt (kai digitalā, tai taustomā veidā) ite: a12.lv.

Karteņā: žurnala “A12” vuoks
Print Friendly, PDF & Email

Kalenders

May
22
Tre
22:05 Egita Kancāne. Syltuo mola. Rade... @ Latvejis Radio 1
Egita Kancāne. Syltuo mola. Rade... @ Latvejis Radio 1
May 22 @ 22:05 – 23:00
Egita Kancāne. Syltuo mola. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
23
Cat
22:05 Valentins Lukaševičs. Casnāgu ma... @ Latvejis Radio 1
Valentins Lukaševičs. Casnāgu ma... @ Latvejis Radio 1
May 23 @ 22:05 – 23:00
Valentins Lukaševičs. Casnāgu maizeitis. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
24
Pīk
22:05 Raibīs. Pyrma syltī. Zalta tesmi... @ Latvejis Radio 1
Raibīs. Pyrma syltī. Zalta tesmi... @ Latvejis Radio 1
May 24 @ 22:05 – 23:00
Raibīs. Pyrma syltī. Zalta tesmini. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]