Bolvūs nūtiks Alberta Budžis pīmiņai veļteitī nūvodpietnīceibys skaitejumi

Bolvūs nūtiks Alberta Budžis pīmiņai veļteitī nūvodpietnīceibys skaitejumi

Rokstu sagataveja: portals lakuga.lv

31. janvarī 10.00 stuņdēs Bolvu muižys konferenču zālē nūtiks jau trešī prāvesta Alberta Budžis pīmiņai veļteitī nūvodpietnīceibys skaitejumi, viestej informaceja Bolvu Centraluos bibliotekys sātyslopā. Pasuokumam sekuot leidza varēs ari tīšsaistē bibliotekys Facebook lopā.

Alberts Budže (1930-1957-2017) beja na tik Dīva vuorda sludynuotuojs i draudžu goreigais apryupātuojs, tok ari aktivs sabīdryskais i kulturys darbinīks, izcyls paguotnis pietnīks, nūvoda viesturis i kulturviesturis apzynuotuojs. Godynojūt juo pīmiņu, teik organizāti skaitejumi – ar mierki veicynuot pietnīku interesi par Bolvu nūvoda kulturviesturiskū izpieti, kai ari popularizēt jau asūšus pietejumus par itū arealu.

Pasuokumu atkluos Bolvu Centraluos bibliotekys direktore Ruta Cibule i Bolvu Romys katuoļu bazneicys prāvests Guntis Brūvers. Tam sekuos fotoviesturis pietnīka Igora Pliča stuostejums par fotografa Jezupa Šakaļa pamastū montuojumu, školuotuojis i nūvodpietneicys Valentīnys Kašys prīškskaitejums par Latvejis breivvaļsts rūbežsardzi, bet Bierzpiļs bibliotekys vadeituoja Anna Kriviša īpazeistynuos ar Reinholda Voldemāra Putniņa dzeivi i darbeibu. Viļakys muzeja vadeituoja Rita Gruševa pīduovuos īskotu ebreju dzeivē Viļakā storpkaru periodā, bet Vacumu bibliotekys vadeituoja Aija Locāne pastuosteis par Vacumu stacejis viesturi.

Skaitejumu ūtrajā daļā Egļovys mežnīceibys muzeja vadeituojs Aldis Pušpurs īpazeistynuos ar muzeja kruojumā asūšū katuoļu goreigū literaturu, lokaluos viesturis pietneica Mārīte Šakina pīduovuos “Stuostu par senejim laikim”, bet Bolvu nūvoda muzeja viesturneica Ruta Akmentiņa stuosteis par Dzīšmu svātkim Bolvūs 20. godu symtā. Baļtinovys muzeja specialistis Anitys Ločmelis prīškskaitejums byus par sova pogosta gaistūšajim cīmim, Reigys Augstuokuo religejis zynuotņu instituta profesoris Skaidreitis Kalvānis – par aizmierstū bazneickungu Stefanu Baginski, bet pasuokuma programu nūslēgs Ruguoju muzeja vadeituojis Velgys Vīcupys stuostejums par šaurslīžu dzeļžaceļu Sita-Ruguoji-Rēzekne.

Ar pylnu skaitejumu programu var īpasazeit ITE.


Print Friendly, PDF & Email

Kalenders

Mar
7
Cat
16:00 Valentina Lukaševiča gruomotys “... @ Latgolys Centraluo biblioteka
Valentina Lukaševiča gruomotys “... @ Latgolys Centraluo biblioteka
Mar 7 @ 16:00 – 17:30
7. martā 16.00 stuņdēs Daugovpilī, Latgolys Centralajā bibliotekā, 2. stuovā (Reigys īlā 22a) nūtiks Valentina Lukaševiča vītu stuostu kruojuma “Dīnvydlatgolys stuosti” prezentaceja i sasatikšona ar autoru. Gruomotys 39 stuostūs autors, ceļojūt na tik telpā, bet[...]