Rokstu sagataveja: portals lakuga.lv

Da šam Aglyunys Maizis muzeja dvēsele Vija Kudiņa aktivi šiverēja Maizis muzejā, brauce iz tierdzenim i sagaideja gostus. Dīvamžāļ ir lītys, kurys mes navarim paredzēt, i Viju pīmekliejušys nūpītnys veseleibys problemys. Kab atbaļsteit Viju rehabilitacejis procesā, apvīneiba “Labu vēlot!”, kurā dorbojās Vijis Kudinis draugi, pazinis i dūmubīdri sadarbeibā ar zynomim muokslinīkim organizej atbolsta akceju “No sirds Vijai”, kas 1. martā nūtiks Aglyunys kulturys nomā.

Pārnejuo gods nūgalē portala Lakuga.lv žurnaliste Marta Puzāka gasteja pi Vijis, tūlaik Vija saceja, ka cylvāks aiz tuo, ka beistās, nimoz nazyna, iz kū jis ir spiejeigs, niu poša Vija ir tei, kurai nadreikst beisteitīs i jai ir stypri juosasajam, kab piec vareibys dreižuok atlobtu. Vysu interveju ar Viju vari skaiteit ITE.

Kab atbaļsteit Viju rehabilitacejis procesā, apvīneiba “Labu vēlot!”, kurā dorbojās Vijis Kudinis draugi, pazinis i dūmubīdri sadarbeibā ar muokslinīkim organizej atbolsta akceju “No sirds Vijai”. Organizatori pastreipoj, ka Vija vysod nivīnam nav atsacejuse sovu atbolstu i paleidziejuse, cik nu tys bejs juos spākūs. Niu ir tei šaļts, kod cyti var paleidzēt pošai Vijai.

Apvīneiba “Labu vēlot!” aicynoj iz atbolsta koncertu 1. martā Aglyunys kulturys nomā. Koncertā izdzīduos sirdei tyvys i meilys dzīsmis, tiks izstuosteiti atmiņu stuosti, kab snāgtu atbolstu Vijai i juos saimei. Koncertā pīsadaleis “Ginc un Es”, Daiņs Skutelis, Jurs Ostrovskis, Irēna Kjarkuža, Sandis Ulpe i cyti. Taipoš pasuokumā byus vareiba īsaguoduot “Maizis muzeja” captū maizi i Vijis saraksteitū izdavumu “Maizes grāmata”. Īīšona koncertā par zīduojumim.