Rokstu sagataveja: portals lakuga.lv

Sastdiņ, 12. septembrī, Rēzeknis nūvoda Rogovkā jau pīktū reizi nūteik azartiskuo latgaliski rokstūšūs dzejnīku saceņseiba “Rogovkys dzejis voga”. Dzejis autoru uzastuošonu papyldynuos grupys “Kei-Rei” pyrmatskaņuojumi ar pārnejuo gods slama uzvarātuojis Valijis Platacis dzeju, kai i dzīsminīka Kārļa Kazāka i grupys “Baritoni” uzastuošonys.

Latgaliskajā dzejis slamā pīsadola autori: Aija Mikele, Annele Slišāne, Arvīds Gļauda, Dace Tihovska, Dagneja, Elizabete, Laura Strode, Ņomuks i Rasma Svikle.

Žurejis lūcekli:

• Latgalīšu volūdys, literaturys i kulturviesturis školuotuoju asociacejis vadeituoja, školuotuoja Veronika Dundure,
• latgalīšu kulturys ziņu portala lakuga.lv redaktore i literate Laura Melne,
• pārnejuo goda dzejis slama latgaliski “Rogovkys dzejis voga” uzvarātuoja Valija Platace,
• literats, redaktors, akters i portala TVNET kulturys redaktors Tuoms (Toms) Treibergs,
• Latvejis dzejis slamu kusteibys puorstuove, dzejneica Daniela Šalce,
• sastais žurejis lūceklis – pasuokuma skateituoji.

Latgaliskū dzejis slamu “Rogovkys dzejis voga” reikoj Rēzeknis nūvoda Nautrānu apvīneibys puorvaļde i Rēzeknis nūvoda Kulturys i turysma puorvaļde sadarbeibā ar latgalīšu kulturys kusteibu “Volūda”. Nūtikšonu atbolsta Rēzeknis nūvoda pošavaļdeiba, latgalīšu kulturys ziņu portals lakuga.lv, Vaļsts kulturkapitala fonds.