Kulturys īsacejumi nedeļai: Nu Bolvu da Smiļtinis i Turaidys
Rokstu sagataveja: portals lakuga.lv
Itamā nedeļā sovus kulturys īsacejumus sagatavejs multimuokslinīks Oskars Orlovs aba Raibīs. Jis īsoka četrys dažaidys nūtikšonys – kotru sovā Latvejis pusē.
“Mazpiļsāta” Bolvūs
Es īsaceitu aizadūt iz “Pannas Teātra” izruodi “Mazpiļsāta”, kas 7. junī byus Bolvūs, kam asmu dzierdiejs nu vairuoku sovu pacientu dorbā Valmīrā, ka cīši loba, izklaidejūša izruode.
“Rikši” Turaidā
Postfolklorys grupai “Rikši” byus koncerts Turaidā 6. junī. Nu kai i “Rikši”, tī sūluos byut loba i ļusteiga balleite.
“Voiceks Voiska” Smiļtinē
Nu i vēļ īsoku maņ pazeistamys grupys “Voiceks Voiska” koncertu Smiļtinē 7. junī. Grupys liders ir ar saknem Rēzeknis nūvodā, i jī cīnej Dj GuntiX dailradi. Koncertā “Alternatīvā enerģija” gaidoms jaudeigs muzykals pīdzeivuojums, kur iz vīnys skotivis kuops energiski i spylgti muzykalī kolektivi – byus “Voiceks Voiska” i pankroka apvīneiba “Ilonas Maska”.
Kai ari vysi, prūtams, aicynuoti iz koncertu “Vysi vuordi negaidīti” Latgolys viestnīceibā “Gors” 13. junī, kur sasatiks Raibīs, “Nielslens Lielsliens” i Vija Moore.
