Nu 27. novembra da 7. decembra Reigā i vairuokuos cytuos vītuos Latvejā nūtiks literaturys festivals “Prozas lasījumi”, kura daļa jau vairuokus godus ir ari konkurss “Latgolys prozys skaitejumi”.

Ituo gods konkursā “Latgolys prozys skaitejumi” pīsadaleja 15 autoru. Niu žūreja struodoj pi vysu dorbu izviertiešonys. Konkursa uzvarātuojs tiks paziņuots 4. decembrī 18 stuņdēs konkursa nūslāguma pasuokumā, kas nūtiks Rēzeknis nūvoda Lūznovys muižā. Taipat konkursu varēs vērtīs tīšraidē, kas byus daīmam latgalīšu kulturys ziņu portalā lakuga.lv i kusteibys “Volūda” profilā socialajā teiklā “Facebook”. Īīšona pasuokumā byus bez moksys.

“Latgolys prozys skaitejumu” nūslāguma pasuokumā interesentim byus vareiba dzierdēt vairuokus finalistu dorbus. Par muzykalū prīcu pasaryupēs Dana Vasiļjeva.

Konkurss “Latgolys prozys skaitejumi” nūteik jau sastū reizi, juo reikuotuojs ir latgalīšu kulturys kusteiba “Volūda”, nūtikšonu eistynojūt kai daļu nu literaruos jaunradis latgaliski veicynuošonys programys. Programu atbolsta Vaļsts kulturkapitala fonds.