Piec Latvejis vaļsts nūdybynuošonys i Naatkareibys kara nūslāguma ari Latgolā varēja suoktīs eistyns kulturys uzplaukums. Kab tyvynuotu latgalīšus i puorejūs latvīšus, ari Latvejis vaļdeiba raudzeja atbaļsteit izgleiteibu i kulturu itymā regionā. Vīns nu veiksmeigūs pīmāru beja teatris, tymā skaitā – Latgolys teatris Rēzeknē.

Viesturis magistris Laurys Meļnis lekcejā varēs izzynuot vaira par tuo na vysai vīnkuoršū izveidi i nūsastabiliziešonu laikā, kod Latgolys teatri sovā puorziņā puorjēme bīdreiba “Latgolas Tautas piļs”, puormaiņom piec Kārļa Ulmaņa 1934. gods 15. maja vaļsts apvārsuma i padūmu varys veiktū teatra likvidiešonu. Byus stuosti par Latgolys teatra režisorim, īvārojamuokajim akterim i nūzeimeiguokajom izruodem.