Latgolys kulturys tests 2021
Sagataveja: Laura Melne, Amanda Anusāne, portals lakuga.lv
Kulturys tests par kulturys dzeivi Latgolā 2021. goda gaitā i izdavumim literaturā, muzykā, kuru 3. kuortā vajadzēja izpiļdeit 21. atkluotuos vaļsts olimpiadis latgalīšu rokstu volūdā i kulturviesturē dalinīkim. Sovys zynuošonys testā pīduovojam puorbaudeit ari portala lakuga.lv skaiteituojim!
Results
#1. Par projektu #100dečiLatvijai digitalā, taktilā, audiovizualā i zeimu volūdā, kai ari stuostu kruojumu “Tuoraga stuosti” Annele Slišāne sajēme Latgalīšu kulturys goda bolvu “Boņuks 2021”. Kai sauc vītu, kurā dzeivoj Annele?
Tekstilmuokslineica i literate Annele Slišāne dzeivoj Bolvu nūvoda Škilbānu pogosta Zeļčūs.
#2. 2021. goda aprelī, svietejūt Latvejis Universitatis Baltu filologejis nūdalis symtgadi, nūtyka lekceja par latvīšu i latgalīšu volūdys atškireibom gramatikā. Kas laseja itū lekceju?
Lekceju par latvīšu i latgalīšu volūdys atškireibom gramatikā laseja Oduma Mickeviča Universitatis Poznaņā profesore Nikole Naua (Nicole Nau). Lekceju var nūsavērt ITE.
#3. 2021. goda 19. martā izguoja div latgalīšu muzykys grupu jaunī albumi. Kurūs grupu?
2021. goda 19. martā izguoja div latgalīšu muzykys grupu “Bez PVN” i “Latgalīšu reps” jaunī albumi.
#4. Ar dzīsmi “Muni pādi navā svāti”, kas īraksteita kūpā ar grupu “Dabasu durovys”, latgalīšu muzykā piec ilguoka puortraukuma atsagrīze kaids sovulaik zynoms latgalīšu muzikis. Kurs?
Ar dzīsmi “Muni pādi navā svāti”, kas īraksteita kūpā ar grupu “Dabasu durovys”, latgalīšu muzykā piec ilguoka puortraukuma atsagrīze kaids sovulaik zynoms latgalīšu muzikis — Weron Martin.
#5. Latgolys kongresa dīnā, 27. aprelī, školānim attuolynuotai beja vareiba pīsadaleit nūvodvuiceibys i latgalīšu volūdys stuņdēs. Tuos vadeja treis ar latgalīšu kulturu saisteiti cylvāki. Kuri?
Latgolys kongresa dīnā nūvodvuiceibys i latgalīšu volūdys stuņdis vadeja Ēriks Zeps, Dāvis Suharevskis i Evika Muizniece.
#6. Kurys īvārojamys viesturiskuos latgalīšu personeibys vuordā pārņ tyka nūsaukta nūvodpietnīceibys bolva?
Nūvodpietnīceibys bolva nūsaukta Valerejis Seilis vuordā.
#7. Kuruo sabīdreiba zynoma cylvāka bolsā latgaliski runuoj navigacejis programa “Waze”?
Navigaacejis programmā “Waze” dzieržams Arņa bolss.
#8. Latgalīšu kulturys ziņu portals Lakuga.lv pārņ izveiduoja pyrmuos latgaliskuos kulturys viests video formatā. Kas beja tūs vadeituojs?
Kulturys viests vadeja Dāvis Suharevskis.
#9. Latgalīšu kulturys goda bolvu “Boņuks 2021” par myuža īguļdejumu sajēme dirigents Juoņs Gruduls. 2021. gods beja juo jubileja gods. Cik godu jam palyka?
Dirigentam Juoņam Gruduļam 2021. godā palyka 75 godi.
#10. Latgalīšu repere Ūga pārņ īraksteja dzīsmi “Pāries” sadarbeibā ar div Latvejā zynamom dzīduotuojom. Kurom?
Latgalīšu repere Ūga pārņ īraksteja dzīsmi “Pāries” sadarbeibā ar Dināru Rudāni i Patrishu.
#11. Paguojušuo goda septembrī vīnā nu Latgolys pogostu tyka filmāts raidejums par vītu viesturi “Tas notika šeit”. Kurā pogostā?
Raidejums par vītu viesturi “Tas notika šeit” paguojušuo goda septembrī tyka filmāts Baļtinovys pogostā.
#12. Kurū reizi 2021. godā nūtyka meilys aiļu i dzīšmu festivals “Upītes uobeļduorzs”?
Meilys aiļu i dzīšmu festivals “Upītes uobeļduorzs” 21. godā nūtyka jau 20. reizi.
#13. Itam godam tyka izdūts pyrmais plānuotuojs latgaliski. Kaids ir tuo nūsaukums?
Pyrmuo plānuotuoja latgaliski nūsaukums ir “Giut breidi”.
#14. Paguojušuo goda beiguos īstudāta, tok tikai ituo gods suokumā pyrmizruodi ar skateituojim pīdzeivuoja Latgolys pūdnīceibai veļteita izruode “Muols”. Tamā stuosteits ari par Latgolys keramikys pietnīku Juoni Pujāti. Vīns nu izruodis dalinīku ir Juoņa Pujāta radinīks. Kurs?
Latgolys keramikys pietnīka Juoņa Pujāta radinīks ir Jānis Kronis.
#15. Kurs uzvarēja konkursā “Latgolys prozys skaitejumi 2021”?
Konkursā “Latgolys prozys skaitejumi 2021” uzvarēja Annele Slišāne.
#16. Paguojušuo goda beiguos Latvejis Radejā izskanēja pyrmī radejis lasejumi latgaliski. Stuostus nu Ilzis Spergys kruojuma “Dzeiveiba” tymūs skaiteja aktrise…
Stuostus nu Ilzis Spergys kruojuma “Dzeiveiba” pyrmajūs radejis lasejumūs latgaliski skaiteja aktrise Inga Misāne-Grasberga.
#17. Pārņ “Spēlmaņu nakts” bolvu sajēme ari kaida Rēzeknis teatra “Joriks” izruode. Kura?
Pārņ “Spēlmaņu nakts” bolvu sajēme Rēzeknis teatra “Joriks” izruode “Mans kaimiņš ebrejs”.
#18. Kurū 2021. godā izdūtū latgalīšu gruomotu tuos redaktors Valentins Lukaševičs nūsaucs par “pošu skumeiguokū i pesimistiskuokū kruojumu latgalīšu, latvīšu i varbyut pat Baltejis literaturā”?
Par “pošu skumeiguokū i pesimistiskuokū kruojumu latgalīšu, latvīšu i varbyut pat Baltejis literaturā” tuos redaktors Valentins Lukaševičs nūsauce Oskara Seiksta gruomotu “Vokora vuordi draugim”.
#19. Pošuos paguojušuo goda beiguos izguoja dzejūļu gruomota i muzykys albums bārnim “Vuškeņa iz pļovys”. Dzejūļu autore ir Ilze Sperga, muzyku tim saceriejs Kristaps Rasims. Kas ir gruomotys muokslineica?
Gruomotys “Vuškeņa iz pļovys” muokslineica ir Līga Romančuka.
#20. Latgalīšu literaturys gods nūsaslēdze ar nūslāpumainuokuo latgalīšu autora Marijis Dzeislys dzejūļu kruojuma “Vysta smierts” izīšonu. Kas izdeve itū gruomotu?
Marijis Dzeislys dzejūļu kruojumu “Vysta smierts” izdeve “Valodu māja”.
