Jevgenija Bondarenko izstuodis “Dialogs ar dabu” atkluošona
When:
08/05/2024 @ 15:00 – 16:30
2024-05-08T15:00:00+03:00
2024-05-08T16:30:00+03:00
Where:
Latgolys Kulturviesturis muzejs
Muokslinīks Jevgenijs Bondarenko ir riezeknīts i ar gleznīceibu nūsadorboj nu Latvejis Muokslys akademejis Latgolys filialis absolviešonys 2011. godā. Gleznuotuojs aktivi īsakļaun muokslys dzeivē, pīsadolūt kūpejuos Latgolys muokslinīku izstuodēs i plenerūs. Sovu pyrmū personalizstuodi “Maiguma ārprāts” J. Bondarenko sareikuoja Latgolys Kulturviesturis muzejā 2012. godā, kod pīduovuoja apmaklātuojim figuralu kompoziceju sereju par veirīša i sīvītis attīceibu temu. Jau vairuokus godus pīsavierss dobys ainovys studejom, rysynojūt gaismys ītekmi iz gleznys koloritu vysaidūs godalaikūs i jutūnēs.
Par izstuodis ideju autors stuosta: “Izstuodē var redzēt i munys dzymtuos zemis ainovys, i klusū dobu. Gleznuos izsoku sovu attīksmi pret dobu. Ainovu attāluošonā izmontoju plašu koloritu i gleznīceibys tehnikys, kab paruodeitu, cik skaista ir muna dzimtine vysaidūs godalaikūs. Es sasarunoju ar dobu caur kruosom i formom. Caur gleznīceibu es veidoju dialogu ar dobu i sasarunoju ar tū maņ daīmamā kruosu volūdā.”