“Skonai” koncerts “Zaļā duorzeņā”
When:
05/05/2024 @ 15:00 – 16:30
2024-05-05T15:00:00+03:00
2024-05-05T16:30:00+03:00
Where:
Lūznovys muiža
Rēzeknis nūvoda vokaluo grupa “Skonai” vaļsts svātku nedelis nūslāgumā, 5. majā, Lūznovys muižā prezentēs sovu jaunuokū veikumu – koncertprogramu “Zaļā duorzeņā”.
Muzykaluo nūtikšona atspīgeļuos tū, kū vokaluos studejis “Skonai” vacuokajai grupai ir izadevs sasnēgt, kai ari identificēt par sovu vierteibu kompasu ituo gods laikā. Koncertprogramys pamatkūdūlu veidoj Guntrys Kuzminys-Juknys latgalīšu tautysdzīšmu apdaris, kai ari originalkompozicejis, kurys tiks atskaņuotys a cappella aba bez instrumentala pavadejuma.
Koncertprogramys idejis autors, “Skonai” daleibnīks Imants Spīčs soka: “Putna dzīsme ir pirmreizejais i, munā uzskotā, visautentiskuokais skanis olūts, jo myusu seņči taidā veidā īsavuiceja veiduot skanis – atdarynūt putnu bolsus. Dzīduošona bez pavadejuma, lai ari cīši gryuts, tūmār atkluots veids, kai izdzīduot tū, kū myusu seņči kroujuši paaudžu paaudzēs… i, munupruot, vysskaistuok putnu dzīsmis skaņ zaļā duorzeņā.”
