Latgolys kulturys tests 2024
Rokstu sagataveja: Laura Melne, Amanda Anusāne, portals lakuga.lv
Kulturys tests par kulturys dzeivi Latgolā i izdavumim literaturā, muzykā 2024. godā, kū 3. kuortā vajadzēja izpiļdeit 24. atkluotuos vaļsts olimpiadis latgalīšu rokstu volūdā i kulturviesturē dalinīkim. Sovys zynuošonys testā pīduovojam puorbaudeit ari portala lakuga.lv skaiteituojim!
Results
#1. Pārņ kaidā Latgolys muzejā tyka aizsuokts jauns pasuokumu cyklys “Mozuo tradiceju škola mozajim”, kurā bārni var vuiceitīs vysaidys latvyskuos i latgaliskuos tradicejis. Kurā muzejā?
Pasuokumu cyklys “Mozuo tradiceju škola mozajim”, kurā bārni var vuiceitīs vysaidys latvyskuos i latgaliskuos tradicejis tyka aizsuokta Ondrupinis lauku sātā.
Vaira izzynoj ITE.
#2. Kurā Latgolys piļsātā 2024. godā nūtyka Storptautyskais masku festivals?
2024. godā Storptautyskais masku festivals nūtyka Viļānūs.
Vaira izzynoj ITE.
#3. Kurs latgalīšu rakstnīks ir gruomotys “Dīnvydlatgolys stuosti” autors?
Valentins Lukaševičs ir gruomotys “Dīnvydlatgolys stuosti” autors.
Vaira par gruomotu skaiti ITE.
#4. Kurs latvīšu komponists pārņ izdeve albumu ar latgalīšu tautysdzīšmu apdarem “Treis putneni”?
Pārņ albumu ar latgalīšu tautysdzīšmu apdarem “Treis putneni” izdeve Edgars Mākens.
Aļbumu var nūsaklauseit ITE.
#5. Kaids ir latgalīšu literatis Ingridys Tāraudys 2024. godā izdūtuo dzejūļu kruojuma nūsaukums?
2024. godā izdūtuo Ingridys Tāraudys dzejūļu kruojuma nūsaukums ir “Drupanenis”.
Vaira ITE.
#6. Kurai muzykys grupai pārņ izguoja albums “Dīnys i nadīnys”?
Grupai “Dabasu durovys” pārņ izguoja albums “Dīnys i nadīnys”.
Vaira par aļbumu ITE.
#7. Kurā piļsātā 2024. godā nūtyka latgaliskais seminars jaunīšim “Atzolys”?
2024. godā latgaliskais seminars jaunīšim “Atzolys” nūtyka Dagdā.
Kai tys paguoja, izzynoj ITE.
#8. Pārņ tyka svieteita īvārojamuo fotomuokslinīka Juoņa Gleizda 100 godu jubileja. Tai par gūdu beja vysaiduokys nūtikšonys, tymā skaitā izguoja jam veļteita gruomota. Kaids ir gruomotys nūsaukums?
Pārņ izguoja Juoņam Gleizdam veļteita gruomota ar nūsaukumu “Gleizda metode”.
Vaira par tū izzynoj ITE.
#9. Tulkuotuojs Džeids Vils pārņ sajēme storptautysku bolvu par latgalīšu volūdys populariziešonu. Kurā vaļstī padeve itū bolvu?
Tulkuotuojs Džeids Vils pārņ sajēme storptautysku bolvu par latgalīšu volūdys populariziešonu, kurū padeve Italejā.
Vaira ITE.
#10. Kura Latvejā zynoma muzykys grupa pārņ kūpā ar Normundu Zušu īraksteja dzīsmi latgaliski?
Pārņ grupa “Triānas parks” kūpā ar Normundu Zušu īraksteja dzīsmi latgaliski.
Kaidu, izzynoj ITE.
#11. Kurs etnografiskais ansamblis 2024. godā svieteja 70 godu jubileju?
2024. godā 70 godu jubileju svieteja Rykovys etnografiskais ansamblis.
Vaira ITE.
#12. Pārņ tyka izdūta Poznanis Universitatis profesoris Nikolis Nauys “700 latgalīšu vuordu vuordineica, kas taiseita iz Stefanejis Uļanovskys puosoku pamata” angļu volūdā. Kurā Latgolys apleicīnē 19. g. s. beiguos ir savuoktys ituos puosokys?
Ituos puosokys ir savuoktys Viļānu apleicīnē 19. g. s. beiguos.
Reportaža nu gruomotys attaiseisonys pasuokuma ITE.
#13. Pārņ nūtyka vairuokys ar 20. godu symta latgalīšu dzejnīku Seimani Putānu saisteitys nūtikšonys – juo kūpuotūs rokstu izdūšona, koncertizruode “Putāns. Toreiz un tagad”, kai ari jaunradeitūs skaņdorbu albuma izīšona. Kuri labi zynomi latvīšu reperi beja īsaisteiti itymā projektā?
Reperi Gustavo i ansis beja īsaisteiti projektā “Putāns. Toreiz un Tagad.”
Vaira ITE.
#14. Kas uzvarēja dzejis slamā latgaliski “Rogovkys dzejis voga 2024”?
Dzejis slamā latgaliski “Rogovkys dzejis voga 2024” uzvarēje Silvesters.
Reportaža nu pasuokuma ITE.
#15. Festivals “LNSO Vasarnīca” Latgolys viestnīceibā “Gors” itūgod nūsaslēdze ar Latgolai veļteitu koncertprogramu “Simfo. Etno. Džezs”. Kas beja tuos dirigents?
Juoņs Stafeckis beja koncertprogramys “Simfo. Etno. Džezs” dirigents.
Vaira izzynoj ITE.
#16. 2024. gods oktobrī Daugovpiļs teatrī pyrmizruodi pīdzeivuoja izruode “Kaids nūteikti atīs”. Nu kaidys volūdys itei Juna Fosis luga tyka puortulkuota latgaliski?
Juna Fosis luga “Kaids nūteikti atīs”, kura 2024. gods oktobrī Daugovpiļs teatrī pīdzeivuoja pyrmizruodi, tyka puortulkuota latgaliski nu jaunnorvegu volūdys.
Vaira par izruodi ITE.
#17. Nu kura Latgolys pogosta īt folkpasejis “Francis Trasuns” komponiste Laura Jēkabsone?
Folkpasejis “Francis Trasuns” komponiste Laura Jēkabsone īt nu Bolvu nūvoda Tiļžys.
Vaira par folkpaseju ITE.
#18. Kur pyrmūreiz tyka izstuodeita ceļojūšuo izstuode “Baba, kurū škārsteikla bārni vaira napīdzeivuos”?
Ceļojūšuo izstuode “Baba, kurū škārsteikla bārni vaira napīdzeivuos” pyrmū reizi tyka izstuodeita Lūznovys muižā.
Vaira par izstuodi ITE.
#19. Kas uzvarēja konkursā “Latgolys prozys skaitejumi 2024”?
#20. Kura Latgolys grupa ar koncertu Latgolys viestnīceibā “Gors” pārņ svieteja 20 godu jubileju?
Pārņ 20 godu jubileju svieteja grupa “Borowa MC”.
Vaira ITE.
