Latgolys kulturys tests 2023

Latgolys kulturys tests 2023

Rokstu sagataveja: Laura Melne, Amanda Anusāne, portals lakuga.lv

Kulturys tests par kulturys dzeivi Latgolā i izdavumim literaturā, muzykā 2023. godā, kū 3. kuortā vajadzēja izpiļdeit 23. atkluotuos vaļsts olimpiadis latgalīšu rokstu volūdā i kulturviesturē dalinīkim. Sovys zynuošonys testā pīduovojam puorbaudeit ari portala lakuga.lv skaiteituojim!

Results

-
Print Friendly, PDF & Email

Print Friendly, PDF & Email
Iz prīšku

#1. Kai sauc golda spēli latgalīšu volūdā, kuruos pyrmais čempionats tyka aizvadeits 2023. goda Ontona dīnā Bolvu nūvoda Rekovā?

Bolvu nūvoda Rekovā nūtyka pyrmais golda spēlis “Čipierkstneits” čempionats.

Vaira izzynoj ITE.

Print Friendly, PDF & Email
Iz prīšku

#2. Kura latgalīšu autora izdūmuotuos i stuosteituos puorsokys pārņ tyka īraksteitys audio formatā, kur tuos īrunuoja vysaidi sabīdreibā zynomi cylvāki, kai Renārs Kaupers, Inga Misāne-Grasberga, Juoņs Krūņs i cyti?

Atjaunuotys i audio formatā īraksteitys Ontona Slišāna puorsokys.

Vaira izzynoj ITE.

Print Friendly, PDF & Email
Iz prīšku

#3. Daugovpiļs teatrī pārņ tyka īstudāta jauna izruode latgaliski. Kaids ir tuos nūsaukums?

Pārņ Daugovpiļs teatrī īstudātuos izruodis nūsaukums ir “Divejis vyrtuvē, naskaitūt nabašnīku”.

Recenzeju par izruodi skaiti ITE.

Print Friendly, PDF & Email
Iz prīšku

#4. Kurai grupys “Bez PVN” dzīsmei beja veļteits fotokonkurss “Jauna elpa”, kura lobuokī dorbi apceļuoja vysu Latveju?

LKA Latvejis Kulturys koledžys studentis organizēje fotoizstuodi “Jauna elpa”, kuruos īdvesmis olūts beja grupys “Bez PVN” dzīsme “Jau ni mes”.

Vaira par izstuodi izzynoj ITE.

Print Friendly, PDF & Email
Iz prīšku

#5. Kai sauc Storptautyskū etnodžeza muzykys ansambļu konkursu, kas pyrmūreiz Rēzeknē nūtyka 2023. goda majā?

Juoņa Ivanova Rēzeknis muzykys vydsškola izsludynuoja pyrmū Storptautyskū etnodžeza muzykys ansambļu konkursu “Guoyu pa Jazz”.

Vaira par konkursu ITE.

Print Friendly, PDF & Email
Iz prīšku

#6. Kurs latgalīšu literaturys dorbs pārņ izskanēja kai radejis īstudiejums?

Pārņ nu 21. da 25. marta Latvejis Radejis 1 eterā izskanēje pyrmuo Alda Bukša kriminalromana latgaliski “Bruoli” radejis īstudiejums.

Vaira par īstudiejumu ITE.

Print Friendly, PDF & Email
Iz prīšku

#7. Kai sauc pyrmuo komiksa bārnim latgaliski “Sunāns breiveibā” muokslineicu?

Latgalīšu kulturys kusteiba “Volūda” izdeve Laurys Melnis i muokslineicys Viviannys Mariis Stanislavskys kūpeigū dorbu – pyrmū komiksu gruomotu bārnim latgaliski “Sunāns breiveibā”. Gruomota ir stuosts par suni i juo dzeivi, puorsaceļūt nu piļsātys iz laukim.

Vaira par komiksu ITE.

Print Friendly, PDF & Email
Iz prīšku

#8. Nu paguojušuo goda puorbaudeit darbeibys vuordu formys latgalīšu rokstu volūdā var tam eipaši paradzātā lītuotnē. Kaids ir tuos nūsaukums?

Puorbaudeit darbeibys vuordu formys latgalīšu rokstu volūdā var lītuotnē “Latgalian Verbs”, kuru izveiduojs platformys “Latvian Apps” aizsuociejs Arņs Gross.

Vaira ITE.

Print Friendly, PDF & Email
Iz prīšku

#9. Kuram īvārojamam latgalīšam beja veļteits vīns nu Latgolys viestnīceibys “Gors” 10 godu jubilejis pasuokumim?

29. aprelī Latgolys viestnīceiba “Gors” aicynuoja iz desmit godu jubilejis pasuokumu cykla “10 kā 1” nūtikšonu – pyrmatskaņuojumu dzīšmuspēlei latgaliski “Trasuns. Fabulas”, kas radeits, īsadvasmojūt nu Fraņča Trasuna fabulu.

Vaira ITE.

Print Friendly, PDF & Email
Iz prīšku

#10. Aizvadeitajā pavasarī Rēzeknē diveju sūpluok asūšu sasatikšonys vītu – “Ausmeņa Kebaba” i “KUUP” – saiminīki atkluoja jaunu kulturvītu. Kai tū sauc?

6. majā Rēzeknē “Ausmeņa Kebaba” i “KUUP” saiminīki atkluoja jaunu kulturvītu ar nūsaukumu “Rancāna pogolms”.

Vaira izzynoj ITE.

Print Friendly, PDF & Email
Iz prīšku

#11. Kuruos Latgolys pošvaļdeibys sauklis ir “Te vyss ir pa eistam!”?

Ludzys nūvods izstruoduoja jaunu vizualū identitati i izdūmuoja saukli “Te vyss ir pa eistam”, kas ir pyrmais nūvoda sauklis latgalīšu volūdā vysā Latvejā.

Vaira ITE.

Print Friendly, PDF & Email
Iz prīšku

#12. Kura latgalīšu dzejneica 2023. godā izdeve dzejis kruojumu “Ups, kūki i mes”?

Juņa vydā tyka izdūts Dagnejis pyrmais dzejis kruojums “Ups, kūki i mes”. Kruojumā apkūpuoti vaira nakai 70 pādejūs pīcu godu laikā raksteitī dzejūli, kurūs autore kaitojās ar dažaidu volūdu vuordim i simbolim, salīkūt sūpluok jiutu, pruota, piļsātys, lauku, realuos i digitaluos dzeivis paruodeibys i nūtikšonys.

Vaira par kruojumu ITE.

Print Friendly, PDF & Email
Iz prīšku

#13. Kai sauc muzykys grupu, kas pārņ izdeve jaunu albumu “Turu buru!”?

Albumu “Turu buru!” izdavuse Daugovpilī dybynuotuo etnomuzykys grupa “Laimas Muzykanti”, kurs vāluok nomināts Muzykys īrokstu goda bolvys “Zelta mikrofons” kategorejā “Tautys voi pasauļa muzykys albums”.

Vaira ITE.

Print Friendly, PDF & Email
Iz prīšku

#14. Augustā piec renovacejis dorbu tyka atkluots atjaunuotais Namaterialuos kulturys montuojuma centrs “Upīte”. Atkluošonys dīnā tymā tyka ruodeita ari Latvejis Nacionaluo teatra izruode. Kaida?

Namaterialuos kulturys montuojuma centra “Upīte” atkluošonys dīnā tymā tyka ruodeita izruode “Divas pasaules”.
Reportažu nu atkluošonys verīs ITE.
Print Friendly, PDF & Email
Iz prīšku

#15. Goda beiguos pi skateituoju tyka latgalīšu seriala “Fati” 2. sezona. Kurys piļsātys apleicīnē tū fiļmēja?

Ludzys nūvoda Kuorsovys pusē nūtyka aktivs dorbs pi “Fatu” ūtruos sezonys fiļmiešonys.

Reportaža nu fiļmiešonys ITE.

Print Friendly, PDF & Email
Iz prīšku

#16. Dzejis slamā latgaliski “Rogovkys dzejis voga” pārņ beja diveji uzvarātuoji. Kas jī beja?

9. septembrī Rogovkā ūtrū reizi iz sasatikšonu Dzejis dīnu laikā aicynuoja dzejis slams latgaliski “Rogovkys dzejis voga”. Tamā ostoņu autoru i treju kuortu saceņseibā uzvarātuoja gūdu, finala saceņseibā sajemūt vīnaidu punktu skaitu, sadaleja literate, tekstilmuokslineica Annele Slišāne i dzīsminīks Vinsents Kūkojs.

Vaira ITE.

Print Friendly, PDF & Email
Iz prīšku

#17. Konkursā “Latgolys prozys skaitejumi 2023” uzvarēja literate Ilze Sperga. Kaids beja juos stuosta nūsaukums?

Konkursā vysu leluokū žurejis punktu skaitu sajēme i par lobuokū tyka atzeits literatis, literaturzynuotneicys Ilzis Spergys stuosts “Breiveiba”.

Vaira izzynoj ITE.

Print Friendly, PDF & Email
Iz prīšku

#18. Kai sauc sabīdryskū iniciativu, kurā latgalīšu volūdys lītuotuojus aicynoj īrunuot tekstus i puorbaudeit jau īrunuotus teikumus?

Ar mierki saglobuot cytom paaudzem līceibu par myusu dīnu latgalīšu volūdu i tuos unikalitati, kai ari veicynuot tū, ka modernuos tehnologejis jādz “saprast” i “sasarunuot” tamā, sabīdryskuos iniciativys “Balsu talka” eistynuotuoji aicynoj latgalīšu volūdys lītuotuojus īsasaisteit latgaliskūs tekstu īrunuošonā, kai ari puorbaudeit jau īrunuotūs teikumus.

Vaira ITE.

Print Friendly, PDF & Email
Iz prīšku

#19. Folklorys kūpa “Ceidari” pārņ izdeve albumu “Dzīduotumi, ļustātumi”, kas veļteits kaida Latgolys pogosta dzīsmem. Kura pogosta?

Folklorys kūpa “Ceidari” izdavuse digitalū albumu “Dzīduotumi, ļustātumi”, kas veļteits Bierzpiļs pusis dzīduotuojim i jūs dzīsmem.

Vaira par aļbumu ITE.

Print Friendly, PDF & Email
Iz prīšku

#20. Kurā piļsātā pyrmizruodi pīdzeivuoja animacejis kina “Vydsmuižys Annužys acim”?

Animacejis kina Vydsmuižys Annužys acim” sovu pyrmizruodi pīdzeivuoja Viļānūs ituo gods 11. novembrī.

Vaira ITE.

Print Friendly, PDF & Email
Gotovs!

Print Friendly, PDF & Email

Kalenders

May
21
Ūtr
15:00 Izstuodis “Juoņs nu Dzeņagola” a... @ Latgolys Kulturviesturis muzejs
Izstuodis “Juoņs nu Dzeņagola” a... @ Latgolys Kulturviesturis muzejs
May 21 @ 15:00 – 16:30
Izstuode byus veļteita muokslinīkam i literatam Juoņam Trūpam (1924-1989), pīmynūt jū symtgadē. Koč i sovys dzeivis leluokū daļu J. Trūps ir pavadejs trymdā, dzeivuodams ASV natuoli nu golvyspiļsātys Vašingtonys, vystik vysu sovu rodūšū darbeibu, breivū[...]
22:05 Annele Slišāne. Tuoraga stuosti.... @ Latvejis Radio 1
Annele Slišāne. Tuoraga stuosti.... @ Latvejis Radio 1
May 21 @ 22:05 – 23:00
Annele Slišāne. Tuoraga stuosti. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
22
Tre
22:05 Egita Kancāne. Syltuo mola. Rade... @ Latvejis Radio 1
Egita Kancāne. Syltuo mola. Rade... @ Latvejis Radio 1
May 22 @ 22:05 – 23:00
Egita Kancāne. Syltuo mola. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
23
Cat
22:05 Valentins Lukaševičs. Casnāgu ma... @ Latvejis Radio 1
Valentins Lukaševičs. Casnāgu ma... @ Latvejis Radio 1
May 23 @ 22:05 – 23:00
Valentins Lukaševičs. Casnāgu maizeitis. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]