Ituo gods vosorys vydā Rēzeknis nūvoda pošvaļdeibys Maltys pogosta puorvaļde aicynuoja tuos dzeivuotuojus iz sabīdryskū apsprīsšonu. Sasatikšonys vaicuojums – saprast, voi Feimaņu dzeivuotuojim byutu gribiešona cīma nūsaukumam dalikt viesturyskū paralelnūsaukumu latgalīšu rokstu volūdā – Vīmyns. Portals lakuga.lv nu Rēzeknis nūvoda pošvaļdeibys i Vaļsts volūdys centra ir dazynuojs, ka itys paralelnūsaukums jau ir apstyprynuots i niu nūteik dorbs pi jaunu ceļa zeimu saskaņuošonys, piečuok – ari pastateišonys, kas vysudreižuok varātu nūtikt vēļ itūgod.